- 5-
,,Engko lagi-lagi seperti anak ketjil, apa blon kenjang mengalamin taon baroe, baekan sekarang 'ngko pergi sama toekang portret, aken bikin portret Engko boeat kasi saja sebagi tanda peringetan!"
,,Ja baek djoega loe ingetin, kaloe engga tentoe goea keloepahan !"
,,Tapi saja engga ada poenja portret boeat kasi sama 'ngko, engga nanti sadja kaloe saja bikin, saja kirimken sama 'ngko !"
,,Sekarang goea moesti brangkat boeat bli barang-barang jang perloe goea moesti bawa dan djoega seroepa barang boeat loe sebagi tanda mata!"
,,Sebentar 'ngko balik lagi dong ka mari!
,,Ja, sebentar malem goea nanti dateng lagi kemari!"
Si Keng Hok laloe brangkat poelang ka roemanja dengen membawa ia poenja barang persenan, dan kasi taoe djoega pada ajahnja, bahoewa ia djadi djoega trima itoe pakerdjahan aken djadi goeroe di Tegal.
,,Ja itoe memang baek, asal sadja loe di sana bisa pegang pakerdjahan dengen betoel."
,,Tapi owee di soeroe brangkat lagi doea tiga hari, Tjek!"
,,Kenapa begitoe tjepet!"
,,Sebab di sana baroe boeka sekola, djadi owee moesti atoer doeloe apa jang perloe!"
,,Kaloe begitoe loe moesti sedia bli barang-barang apa jang loe perloe pake, nah ni goea kasi loe tiga poeloe roepia!" kata itoe ajah jang baek, laloe kasiken itoe oewang di tangannja ia poenja anak.
Si Keng Hok lantaran moesti pake banjak wang maka ia trima sadja pengasihannja ia poenja ajah, dan kemoedian ia laloe brangkat pergi ka Tanah Lapang Glodok boeat bli satoe koffer wadja dan laen-laen barang.
Sasoedanja ia membli semoewa barang-barang, ia laloe
