-52
girang hatinja sekalian Gongkongtjoe-Gongkongtjoe dan ingin meliat, bagimana roepanja itoe gadis, tetapi Embok Saleha ada satoe prampoean jang pinter; seblonnja ia kasi liat itoe gadis. lebi doeloe ia berkata: „Baba, kaloe Baba maoe liat si boleh, tetapi kaloe Baba engga penoedjoe, saja harep Baba soeka kasi eewang sembanja, kaloe engga saja nanti djadi maloe !”
Tetapi apa orang soeda mendapet liat?
Boekan satoe gadis. hanja satoe anak prampoean jang baroe beroesia tigablas taon jang badannja ada sanget ketjil hingga banjak anak-anak moeda jang merasa tida tega boeat piara itoe anak jang blon sampe oemoer dan masi terlaloe moeda, tetapi tiada oeroeng ia moesti kasi oewang semba. Dengen akal begitoe, ada banjak orang-orang moeda jang beridoeng poeti soeda terpaksa misti boeang wang pertjoema-tjoema sadja.
Blakangan itoe Mah Peropot telah atoer laen tipoe lagi; satoe Sianseng hartawan soeda kena di klaboein oleh dia; itoe Sianseng soeda kasi oewang pandjer padanja boeat piara satoe anak prawan jang tinggal di dalem ia poenja roema; tetapi djikaloe itoe Sianseng dateng kasitoe boeat poeasken napsoenja sama itoe anak gadis, Embok Saleha selaloe pergi semboeni ka laen tempat; hingga tinggal itoe anak prawan sendirian di dalem itoe roema. Itoe Siangseng jang soeda keloearken oewang banjaknja doea ratoes roepia, soeda tentoe ia maoe tjoba rasaken itoe boewa jang ia soeda bajar harganja. Tetapi koetika itoe Sianseng maoe adjak masoek ka kamar, itoe anak prawan soeda maen petak, lari kasana sini, hingga membikin itoe Sianseng, mendjadi sanget moerka pada itoe Ma Peropot baek djoega itoe Sianseng ada saorang jang soeda banjak oemoer, maka la poenja dara tida begitoe panas. Djika perkara begini
