― 32 ―
„Ma! minta doeit, Owee poenja doeit soeda abis!"
Kenapa loe engga poelang, poelang bikin goea poenja hati kesel sadja, sekali loe poelang ka roema loe maoe minta doeit, tetapi kaloe goea soeda kasi loe oewang, loe poenja mata idoeng nanti engga keliatan lagi!"
„Engga Ma, masa owee engga inget poelang, kan owee ada oetang orang di loear, kaloe engga bajar ini hari, ia nanti boesoekin owee poenja nama !"
„Brapa oetang loe di loear?"
„,Doea ratoes, Ma!"
„Kenapa sampe begitoe banjak, loe boeat apa itoe oewang?"
„Owee kala maen, Ma!"
„Goea soeda kata, loe djangan maen-maen, kan sajang-sajang doeit, loe boeang oewang pertjoema-tjoema !" kata poelah sang iboe jang lebi gampang di akalin.
„Ja da, owee djoega kapok boeat maen kartoe lagi !"
„Minta adja doeit dari Entjek loe!"
„Entjek tadi soeda mara sama owee, dia engga maoe kasi oewang lagi pada owee, kaloe boekan dari Mama abis dari mana lagi owee bisa dapet eewang!" kata itoe anak moeda dengen beringis-ringis jang di bikin-bikin.
Sang iboe kira betoel jang anaknja ada poenja oetang di loearan, maka ia tida tega boeat liat anaknja jang ia sanget tjinta dapet itoe kesangsarahan hati, lantaran tida poenja oe wang boeat bajar oetang; maka ia laloe boeka lemari, kasi keloear cewang simpenannja doea ratoes roepia dan seraken itoe wang di tangannja ia poenja anak lelaki jang royal.
Si Tek setelah trima itoe oewang, hatinja djadi sanget girang, kerna ia pikir jang itoe bewang bisa tahan sampe doea boelan, boeat sementara waktoe ia boleh mengerem teroes sama ia poenja piaraän jang tertjinta.
