― 68 ―
„Ha ! Ha ! Ha ! Bisa sadja loe, toea bangka !”
„Eh bah ! djanda ada doea matjem ?”
„Bagimana ada doea matjem, prampoean jang tida ada lakinja ia kita kata djanda!”
„Boekan begitoe Bah, kaloe anak prawan jang baroe kawin lakinja meninggal atawa bertjere, ini kita panggil djanda kembang, kaloe prampoewan jang soeda taoe ikoet orang berkali-kali, dan soeda mempoenjai anak, ini kita panggil djanda sadja !”
„Pinter djoega loe toea bangka. Itoe Nona jang goea maoein ada satoe njonja djanda jang baroe bertjere !”
„Wah ! moedjoer Bah, mari da saja jang kongkoin !”
„Nah, ini oewang lima poeloe roepia boeat dia, dan tanja djoega kapan ia bisa dateng kamari ?”
„Abis dimana saia tjari roemanja, kaloe di waroeng si bisa dapet djoega bli ikan peda !” kata itoe boedjang prampoean, sembari tertawa ia samboetken itoe oewang kertas lima lembar dari sepoeloe roepia.
„Wah ! Kaloe dia liat idjo-idjo, masa dia engga hilap !” kata poelah si toea bangka dengen tertawa.
„Sir, anterin si Mina ka Angke ka roemanja itoe nona jang tadi !” prenta itoe madjikan.
„Bang lari-in koedanja biar kentjeng, madjikan ada oeroesan jang perloe !” kata si Mina jang maoe maen moeloet.
„Hm ! prampoean pejot, jang tiada pertjaia katja, dan brani djoega seboet dirinja madjikan,” kata itoe koesir dengen soewara sebagi orang jang menghinaken.
„Eh ! loe liat sebentar goea di semba !”
„Bagoes si moeka loe !”
„Tentoe bagoes !”
„Ja, bagoes seperti setan Krekot !”
Lantaran ia orang berdoea ada bertjetjokan moeloet, hing-
