— 64 —
„Biar poen begitoe, engga patoet kaloe loe berpakean sembarangan sadja!“ kata sang ajah jang kenal djoega adat kasopanan.
Si Ros djadi terpaksa toeroet prenta ajahnja dan lantas berias dengen rapi, kemoedian ia laloe naek sado bersama ibo enja brangkat pergi menoedjoe ka Tongkangan.
Selagi sadonja si Ros brenti di depan Kongkoan, apa maoe satoe anak moeda orang hartawan, kebetoelan lagi liwat dengen naek deeleman band karet.
Itoe anak moeda lantas melirik pada si Ros dengen mata berapi dan hatinja poen telah bergerak keras, lantaran meliat pipi aloes, ia pikir ini nona jang begini moeda dateng di Kongkoan, tentoelah ia hendak berijere pada soewaminja; inilah ada kebetoelan sekali boeat dia, kerna ia baroe lepas goendiknja, jang ia taro di Gang Semoet Pendjaringan.
„Sir! djalan plahan-plahan!“ berseroe itoe anak moeda pada koesirnja, sembari mengawasin teroes pada si Ros.
Si Ros laloe toeroen dari sado, sedeng sang iboe doerhaka poen toeroet toeroen dan ia orang berdoea lantes masoek ka dalem Raad Tjina.
Koetika itoe iboe dan anak prampeean berdjalan keloear dari Kongkoan, marika naek itoe sado poelah aken brangkat poelang ka Angke.
Setelah sadonja si Ros soeda brangkat poelah, itoe anak moeda jang gila basa jang telah soeroe brentiken deelemannja aken menoenggoe dengen sabar ifoe prampoean moeda keloear, berkata:
„Balikin sir, dan ikoetin itoe sado dengen plahan, tapi djangan terlaloe deket!“
„Baek-baek!“ menjaoet itoe koesir, tapi lantaran itoe deeleman berada terlaloe djaoe dengen itee sado, maka itoe koesir kaboerin koedanja, dan koetika itoe deeleman
