- 54 -
ping ‘ntjek Hwa Hin; boeat penoetoepnja itoe pembitjarahan resia, ia laloe berkata:
„Tentoe ia nanti dapet rasaken dari ia poenja perboeatan kedji!”
„Baek ngai toeroet sadja nji poenja omongan, tapi ngai minta nji poenja pertoeloengan boeat toendjoekin djalannja!” kata poelah ‘ntjek Hwa Hin, dan ia orang berdoea berdjalan menoedjoe ka Kongsi Besar.
Disitoe itoe doea orang laloe bertemoe satoe boeaja darat bangsa Kongfoe jang kabetoelan lagi lapar dengen wang, maka koetika ia di djandjiken maoe di kasi oepa f 10.-boeat kasi labrakan jang pantes pada itoe djedjaka doerhaka, ia lantes trima itoe pakerdjaän dengen sanget girang.
„Baek ngai nanti toenggoe itoe lelaki djahanam kloear!”kata itoe boeaja darat jang laloe ambil roejoeng dan brangkat pergi ka Gang Semalat.
Di itoe Gang ia doedoek bertjoke! seperti satoe patoeng, tapi matanja selaloe ada awasken ka itoe roema sarang djoedi.
Djem ampat sebagimana biasa, semoea pementopan-pementopan pada brangkat poelang, dan koetika soeda liwat poelah satoe djem si Ros bersama itoe iboe doerhaka baroe brangkat poelang.
Itoe tjoete-idoeng-poeti lantaran badannja masi merasa sanget lemes, [1]. maka ia tida poelang dengen berbareng sama ia poenja ketjintahan, dan soeda tinggal disitoe sampe menggerip.
Djem toedjoe setenga itoe djahanam baroe keliatan kaloear dari sarangnja dan hendak brangkat poelang.
Pada itoe waktoe tjoewatja ada sanget gelap, sedeng di
- ↑ Troesa di terangken lebi teges, lantaran apa itoe anak moeda mendjadi begitoe lelah. Pembatja bisa tebak sendiri
