— 49 —
apa-apa, boeat toetoep kesalahannja, sang iboe soeda berkata dengen soeara mara-mara.
„Ach! loe djangan banjak tjerita, loe djadi apa si engga maoe kasi sekali orang kloear melantjong!”
„Ketloewat, sie boetleh ketloewat, tittapi jangan lama-lama!”
„Ach! toetoep loe poenja moeloet, baroe sadja bisa piara bini soeda boei orang didalem roema tida kasi keloear-keloear. Kaloe loe engga soeka piaralah soeda, nanti goea adjak si Ros poelang !” kata itoe iboe dengen ketos.
Sementara si Ros jang pikirannja lagi melajang-lajang pada itoe tjoete-idoeng-poeti, biarken sadja ia poenja iboe bertjektjokan moeloet, hingga sang soewami jang meliat mertoeanja mara-mara begitoe matjem, tida brani boeka moeloet lagi.
„Oeda! goea maoe poelang Ros, noesa pagi djem delapan loe sedia-sedia, goea maoe adjak loe pergi di roema orang kawin!” kata itoe prampoean kedji jang laloe brangkat poelang.
IV
ENTJEK HWA HIN DAPET TJIOEM BAOE!
Maskipoen djalannja hari ada begitoe tjepet, tetapi boeat itoe anak moeda jang berhidoeng-poeti ada sebaliknja: dengen sanget tiada sabar ia telah menoenggoe datengnja itoe hari, pada waktoe mana ia bisa bertemoe lagi dengen iapoenja ketjintahan baroe; achir-achirnja soeda sampe temponja boeat si Ros ketemoeken ia poenja ketjintahan, itoe orang moeda doerhaka.
Iboe jang doerhaka.
4.
