— 43 —
ada maloe, tetapi djoega saja merasa takoet, berada di dalem ini kamar berdoea-doea sadja. Kaloe sampe saja poenja laki dapet tace kita poenja resia, apa nanti terdjadi sama saja?”
„Ach Nona! Djanganlah begitoe ketakoetan. Siapa jang bisa dapet taoe jang kita ada berdoea-doehan disini? Pribasa kata: „Kaloe djodo masa kemana!” Maka kaloe kita berdoewa tiada berdjodo, masalah saja bisa bertemoǝ sama Nona jang begini manis roepanja ?”
„Ach Enko bisa adja orang djelek-djelek di bilang manis. roepanja, djawab si Ros, jang mendjadi sanget girang oleh kerna ia begitoe di poedji oleh satoe djedjaka moeda tentang keilokanja. Apa Enko tinggal disini ?”
„Engga Na saia tida tinggal disini, saia ada poenja roema laen!”
„Kaloe begitoe boeat apa 'ngko sewa ini roema ?”
„Ini roema saia poenja sendiri, lantaran tida ada jang maoe sewa, djadi saia taroin prabot roema, sekedar boeat iseng-iseng saia dateng kamari!”
„Engko bikin Soehian disini ?”
„Boekan nona Manis, kaloe Soehian dong ada banjak prampoean-prampoean tinggal disini!”
„Ach! saia takoet lama-lama disini, nanti kaloe ada orang lelaki laen dateng, saia poenja resia djadi terboeka dan saja misti dapet tjilaka !" kata si Ros, jang bikin dirinja seperti orang jang betoel-betoel maoe berlaloe, hingga itoe tjoete-idoeng-poeti lantes pelok dengen kras, sembari berkata: „Ach, djiwa hatikoe, djanganlah maoe pergi begitoe terboeroe-boeroe . . . . . . . . .
Marilah kita reba-rebahan doeloe . . . . . . . . . Ai Nona Manis!” Kenapa masi begitoe maloe-maloe ?” . . . . . . . . .
