― 21 ―
Pada besok paginja djem ampat ajem-ajem berkroejoek tida brentinja aken membri taoe pada orang, jang malem ampir terliwat.
Koetika matahari baroe moelain mentis di sebla timoer, si Manis dan si Boto sabagimana biasa soeda bangoen masak aer boeat sedoe kopi dan goreng pisang.
„To ! sebentar 'ntjim Kampret dateng bawa kabar baek, goea poenja pasangan Tjap-dji-ki tentoe kena, ini hari kita ada poenja oewang Sha-tjap-toen. Dengen itoe oewang memeh boleh boeat maen kartoe sepoeas-poeasnja, dan asoek djoega boleh isep madat sekenjang-kenjangnja, troeslah ia orang berklai lagi seperti kemaren sore bikin goea poenja hati djengkel sadja !" kata si Manis pada adenja.
„Saia bosen denger 'ntji poenja omongan engga laen kena Tjap-dji-ki sadja, apa 'ntji kira gampang boeat dapet oentoeng dengen maen Tjap-dji-ki?" kata si Boto sembari menjengir.
„Ach soedalah loe djangan banjak tjerita, liat sadja sebentar siang !"
Selagi itoe doea gadis bertjektjokan moeloet satoe sama laen faisal Tjap-dji-ki, si Hok soeda dateng koendjoengin poelah itoe waroeng kopi
„Do, pagi-pagi soeda ngomongin Tjap-dji-ki dasar orang pementopan kan sajang-sajang doeit di boewang-boewang pertjoema !" kata itoe djedjaka.
„Eh! Hok baroe loe bisa piara si Boto dengen kasi oewang blandja AMPAT CENT satoe hari soeda maoe larang orang pasang Tjap-dji-ki l"
„Engga, Koh l boekan saia jang pasang Tjap-dji-ki, tapi ntji Manis jang soeda pasang Angkong Lima Mera" kata si Boto jang tida maoe bikin ketjintahannja mendjadi maloe.
Soepaja pembatja mendapet taoe terang siapa adanja itoe
