-9-
Djem sembilan pagi itoe iboe pementopan baroe sedar dari tidoernja; dengen koetjek-koetjek mata ia pergi keloear sembari berkata: „Peroet goca lapar apa loe soeda masak nasi, dari semalem goea tida makan lagi, lantaran goea kala maen banjak, djadi tida napsoe makan. Ajo, lekas sendokin nasi boeat goea!”
Si Manis lantes boeroe-boeroe sendok nasi dan makanan, laloe bawain pada iboenja.
Sahabisnja bersantap, sang iboe laloe pergi mandi dan sisir ramboet boeat pergi maen lagi aken poelangken doeitaja jang ia telah kala kemaren.
„Marih kasi goea doeit, goea maoe tjoba lagi goea poenja proentoengan, brangkali ini hari bisa broentoeng,” kata itoe iboe pada anak prampoeannja.
„Baroe dapet satoe roepia setenga, meh!” kata si Bota sembari seraken itoe oewang pada iboenja.
„Sebegitoe djoega boleh, dan sebentar goea nanti soeroe orang ambil doeit, kaloe goea perloe pake!”
Sahabisnja oetjapken ini perkatahan, itoe iboe laloe brangkat pergi.
Hatinja si Boto merasa serik sekali, kerna boeat dapetken itoe oewang ia soeda berkerdja kedakak-kedekoek, serenta kaloearken djoega banjak keringet, tapi dengen begitoe enak ia poenja iboe soeda angkoet sama sekali dan bawa pergi boeat tangkep koetjing diatas tiker.
Djem sepoeloe siang itoe ajah jang pemadatan baroe bangoen dari tidoernja; ia laloe pasang HOENTENG (pelita) dan ambil tjangklong, sembari rebaken badannja miring sebla, soepaja ia poenja moeka djadi mengadep pada itoe pelita, sedeng ia poenja tangan kanan pegangken tjangklong dan tangan kirinja pegang TJIAM-MADAT (korekkan madat). Dengen berlakoe begitoe, (seperti balatentara jang soeda
