Rumah gadang sambilan ruang
Salandja kudo balari
Alangkah sakik badan sorang
Bagai maliek langit tinggi
Pado hari barisuak tanukak pakaro Djamaris dalam kantua landarat ditimbang parakaro anjo lai sudah diusua dipareso tjukuik sagalo tando beti paga makan taaman tatang salah Djamaris mamakan uwang suruak mungkin sumpah bakaradjo malanga undang undang gopernemen dihukum duo tahun baranti bakaradjo takana nasihat mande kandung takalo badjalan dari rumah.
Pitalah bungo tandjuang
Kaduo gunuang radjo
Indak salah bundo manganduang
Salah di anak buruak pinto
Sadjak dahulu dilatokan
Tidak dilatak dalam padi
Dilatakan djuo dipamatang
Pandan djuo dirangguangkan
Sadjak dahulu mande katokan
Indak dilatak dalam hati
Dilatak djuo di balakang
Badan ang djuo manangguangkan
Banta dahulu banta Kuantan
Banta kini lain ruponjo
Sasa dahulu pandapatan
Sasa kudian indak baguno
Kalau Djamaris luruih bana gadji gadang tiok bulan bapangkaik mantari mantari polisi resersiur
Lorong kapado si Minah tjameh hati manudju sadjak balajia dari Riau sampai ulang ka Bukit Tinggi mato lija mambulalang gilo galak galak sorang malakik sampai pulang mando’a do’a si Rombok
70
