Pinang tatjangang si Rombok lain urang asiang awak banjak disinan urang Tjino pitih batuka djo pitih dolar badjalan djalan si Rombok ditjari Sutan Djamaris batanjo tanjo ka urang bakato urang Padang lorong kapado Djamaris injo di dalam tahanan kalau amai kamantjaliak buliah dibao kakurungan mandanga kato damikian susah hati si Rombok lunak sagalo pasandian pitih banjak habih badjalan barampek baranak tibo di dalam tangsi – minta izin ka tukang kunci ado sabanta antaronjo batanu Sutan Djamaris tampak anak baduo tidak tatahan rusuah hati ajia mato gurak gumarai kato anak baduo dipaguik bapak kanduang pulang kito bapak maliek anak djo bapak pansan Aminah djandonjo takadjuik urang maliek manangih anak baduo dipuli ajan ditangisi urang maliek manangih pulo.
Bakato Sutan Djamaris puang anak dahulu usah anak manangih djuo bakato baibo hati antjua hati maso itu bagai katjo djatuah kabatu antjua indak elok lai kan ijo si Aminah tahu injo didirinjo managih baibo hati maliek djandonjo rusuah pikiran si Minah bamanuang manuang sorang nan susah bana si Rombok pitih banjak habih pitih kapulang indak pulo diluluih galang djo subang didjua ka toko ameh kok tahu nan bak nangko haram den pai kamari — manjasa gadang si Rombok.
nak anduang katitiran
Anak barabah malompek lompek
nan dikanduang batjitjiran
nan dikadja indak dapek
Pado hari barisuak batuka aka si Minah mato lija sirah manjalo gilo galak galak sadjo dilawan mangetjek galak djuo – sarupo urang kamasukan maliek rupo damikian hilang aka mandenjo indak tantu kadikatja(2) awak dalam rantau urang tidak kamano kabatanjo
68
