- 8 -
ia orang tjoema sebagi barang permaenan boeat loepaken saja poeoja kedjengkelan. Saja taoe jang saja soeda dapetken itoe semoewa prampoean-prampoean dengen djalan dari pengaroenja saja poenja oewang, maka saja tida begitoe bodo maoe berlakoe terlaloe royaal dan djoega saja tida begitoe kedjem aken berlakoe terlaloe pelit, saja soeda bajar menoeroet tarief jang pantes. Biarpoen bagimana tjantik dan eilok adanja itoe semoewa penghiboer hati, tida aken bisa ilbet saja poenja diri, sebab saja selaloe anggep ia orang poenja tjinta tjoema pad a saja poenja oewang dan sebaliknja poen saja tjoema soeka padanja dari ia orang poenja katjantikan.
Sahabisnja bikin pertemoean, satoe pada laen djika kombali berdjoempa di straat, masing-masing soeda berpoera-poera tida mengenal lagi, teroetama kaloe itoe prampoean-prampoean lagi berdjalan dengen laen lelaki, djoega boeat kehormatannja saja poenja diri saja tida pantes misti menegor pada itoe prampoean-prampoean di hadepan publiek. Dengen tida maoe kenal lagi satoe pada laen, ada djadi kepentingannja doewa fihak, djoega dalem itoe pertjintahan tida
17 KALI
- 9 -
BERTJERE
ada priboedi atawa kewadjiban jang megiket saja poenja diri dan itoe prampoean-prampoean. Ia orang ada djadi taxi, saja boekan djadi eigenaarnja.
Dengen itoe tjara saja soeda toentoet saja poenja pengidoepan seperti saja idoep dalem djerman masi boeas, dimana menoesia tida mengenal apa namanja priboedi, sampe saja moelai djadi bosen jang achirnja dari Djocja saja telah brangkat dengen Express Trein menoedjoe ka Soerabaja.
Djalannja trein jang begitoe tjepet, laksana anak pana jang terlepas dari boesoernja, kapan saja menengok ka loear djendela, saja rasaken itoe tegalan dan poehoen-poehoen seperti djoega lagi pada berlari.
Tatkala trein masoek di station Kertosono, djoestroe di itoe sa'at soeda ampir menggerip, dimana telah naek sepasang soewami-istri jang roepanja seperti penganten baroe, kaloe saja tida slempang nanti tertjela sebagi saorang jang tida taoe adat sopan, soeda tentoe saja poenja mata tida maoe brenti mengawasin padanja, kerna saja soeda djadi begitoe gila misti merasa mengiri atas ia orang poenja kebroentoengan, tapi
