- 4 -
dengen itoe djalan. Disini ada satoe lijst dari nama-nama itoe sekalian boenga-boenga Tjenteh Manis jang berdjoembla ampir 500 djiwa, satoe record jang djempol, barangkali saja ada lebi menang dari Landru, serta saja selaloe menoeloeng pada itoe sekalian prampoean, sebaliknja Landru soeda berlakoe sanget kedjem, tapi saja tjoema pake itoe gelaran sebagi satoe peringetan.“
„Kaloe saja djadi politie, barangkali ada faedahnja boeat saja ambil itoe adres - adres dari 500 boenga berdjiwa, aken di djebloesin dalem boei, soepaja tida berdjangkit lebi loeas penjakit radja singa.” kata saja pada itoe_sobat.
„Djanga berlakoe sampe begitoe bengis, sebab kita orang lelaki seharoesnja misti merasa kesian kerna di antara itoe boenga-boenga raja ada djoega jarig boekan sewadjarnja gemer sama plesiran doenia, dengen terpaksa soeda mendjoeal dirinja.“ kata itoe sobat dengen mesem.
„Doeloe kau anggep prampoean latjoer sebagi pengroesak roema tangga, tapi sekarang di waktoe kau soeda tida mempoenjai istri, kliatan kau poenja haloean soeda djadi beroba dan kau maoe tjoba belaken di itoe fihak, kaloe sebetoelnja
17 KALI
- 5 -
BERTJERE
orang prampoean maoe mentjari pengidoepan masi ada banjak djalan dari pada misti melatJoerir dirinja.“
„SaJa tida maoe banta kau poenja omongan sobat, tapi saja maoe soegoeken pada kau satoe hal jang betoel soeda kedjadian, kerna satoe kali saorang prampoean soeda kena di sesatken, maski sebrapa bisa ia soeda berdaja boeat angkat dirinja dari loempoer kahina‘an, toch tra oeroeng ia soeda mengalamin nasip jang sanget sengsara sampe „Toedjoeblas kali bertjere.”
„Ach, itoelah ada satoe tjerita jang sanget menarik hati, saja ada bersedia boeat dengerin kau poenja tjerita.“ begitoe saja soeda menjaoet dengen pengrasahan girang.
Toedjoeblas kali bertjere djadi ada satoe kalimat tjerita jang saja karang dan toetoerken di laen bagian.
Koetika ia soeda tamatken ia poenja tjerita sebagi penoetoepnja ia laloe berkata, „Nah inilah ada satoe theorie dan pracktijk jang bagoes boeat orang prampoean, jang haroes misti didjaga dengen baek dirinja sendiri di watkoe masi gadis·“
