- 28 -
sebab tingka lakoenja tida genit, tida soeka berpoepoer dan pake aer wangi, serta pakeannja ada sanget saderhana.
Boeat tjoba ia poenja hati, saja sengadja soeda toekar pakean dengen saja poenja badjoe pajama dari soetra dan saja sisirken saja poenja ram boet dengen litjin sekali.
Dari saja poenja koffer saja kasi kloear saja poenja botol Essence jang paling aloes, saja laloe ketjrotin di saja poenja badjoe dan pembaringan, hingga hawa dalem saja poenja kamar telah beroba djadi sanget haroem.
Dengen mesem simpoel itoe nona moeda awasin saja poenja kelakoean, kemoedian ia laloe berkata, „Kenapa Enko soeka berlakoe begitoe beros, pakean dan minjak wangi, ada barang - barang jang tida teritoeng penting dalem pengidoepan dan pertjintahan jang sedjati, inilah ada doewa roepa benda sebagi barang polesan boeat bikin bagoes, dari dasarnja soeatoe barang atawa menoesia, tapi ada memborosken oewang dan merosotken kebadjikan. Saja tida soeka berlakoe seperti njonja-njonja bangsawan, dengen berpakean bagoes dan berlakoe royaal, hingga kans
17 KALI
- 17 -
BERTJERE
boeat perbaekin saja poenja diri djadi ada lebi banjak.
Mendenger itoe omongan, saja poenja kepala rasanja sama djoega di koetjoerin aer dingin, saja laloe doedoek sambil berpikir, bahoewa saja poenja nona ini barangkali boekan sewadjarnja ia soeda melatjoerin diri, kerna ia soeda tida dapet laen djalan jang lebi baek tapi ini tjoema ada dalem saja poenja doegakan sadja, jang saja blon dapetken kepastiannja.
Kaloe saja misti menjera kala padanja dan djato dibawa ia poenja pengaroe, inilah bikin saja merasa maloe sekali, maka saja soeda pikir tida maoe kala menta-menta, den gen zonder ia dapet liat, saja soeda ambil saja poenja Mentol dari saja poenja kantong djas, jang saja laloe gosokin dimana saja poenja koelit mata, hingga dengen sekedjep sadja saja merasa njer-njeran dan aer mata saja mengoetjoer sanget deres.
„Kenapa Enko menangis?" menanja itoe venus dengen roepa heran.
Saja sengadja berlaga seperti anak ketjil jang lagi menangis segak-segoek, dengen zonder men-
