- 24 -
nona poenja diri tida haroes dipandang renda." kata saja pada itoe kenalan baroe, jang aken masoek dalem saja poenja lijst djadi jang ka 500.
„Enko, soeda ambil pemandangan terlaloe djaoe. dengen setjara djoedjoer saja maoe mengakoe, bahoewa saja soeda toetoep saja poenja pintoe kamar, soepaja saja tida dapet ganggoean dari segala gegobrak. biar bagimana djoega Enko haroes pikir satoe boenga-raja ada tetep mendjadi barang sewahan, tida mempoenjai saeatoe kehormatan sebab misti di pikir sebaliknja kaloe satoe prampoean jang maoe pegang kehormatannja, tida nanti maoe dagangin dirinja." Saoet itoe nona moeda dengen roepa jang sanget sedi.
Mendenger itoe omongan, saja poenja hati djadi ketarik dan merasa kesian pada itoe prampoean moeda, tjoba kaloe pertama itoe mandoor hotel ketok pintoe kamarnja, ia soeda madjoeken tarief f 25.- atawa f 50.-, biar saja misti kena kloearken oewang begitoe banjak, barangkali saja poenja diri tida kena terlibet padanja, tapi dari ia poenja pembitjarahan-pembitiarahan soeda membikin saja djadi tida tega boeat kasi
17 KALI
- 17 -
BERTJERE
liwat dirinja begitoe sadja, sebagimana saja soeda berlakoe dengen laen-laen prampoean, maka sebrapa bole saja ingin mentjari taoe ia poenja hikajat, kenapa prampoean jang begitoe baek, misti djadi prampoean latjoer.
„Dari Mandoor Hotel, saja denger nona berasal dari Betawi, tapi saja heran kenapa nona bole tinggal di sini?' saja telah menanja pada itoe prampoean.
„Seblonnja saja mendjawab Enko poenja pertanjahan, lebi doeloe saia maoe tanja kenapa Enko sendiri bole dateng disini, djangan Enko djadi goesar, sebab saja sering ketemoeken orang-orang moeda jang soeda beristri, apabila terbit persetorian sedikit sadja laloe tinggalken istrinja dengen tida maoe taoe lagi bagimana nanti djadinja dengen itoe istri, kaloe Enko poenja keada'an ada sebagimana jang saja bitjaraken, baek Enko kombali lagi pada istri Enko, sebab kesian sekali boeat orang prampoean jang tida bisa idoep zonder dapet perlindoengannja orang lelaki, teroembang - ambing di antara geloembang kehina'an.” kata itoe nona moeda dengen aer mata melele.
