- 16 -
boeat kloearken itoe omngan, sementara saja maoe djaga soepaja itoe mandoor tida nanti bilang saja ada saorang jang pelit, kerna kaloe bisa saja maoe soepaja itoe mandoorhotel nanti anggep saja sebagi satoe baron, jang kantongnja pedet sekali.
Koetika djongos jang masoek dalem itoe kamar soeda bikin beres pembaringan dimana saja poenja kamar, dalem hatinja saja djadi berpikir barangkali itoe mandoor hotel soeda djoestaken pada saja, soepaja di itoe malem ia bole dapet penoempang dalem hotelnja, kerna saja meliat semoewa kamar-kamar jang ada di bawa soeda terkoentji, saja tida dapet liat soeatoe venus, hati saja moelai djadi mendongkol.
Satelah itoe djongos soeda kloear, saja laloe menegor pada itoe mandoor hotel, „Mana itoe ,.barang" jang tadi kau soeda djandjiken."
„Kaloe tida ada, masa saja brani bohongin sama Toean kata ada, nanti saja tanja doeloe apa ini malem ia soeda trima tetamoe atawa blon". kata itoe mandoor hotel jang laloe samperin itoe djongos jang baroesan bena-in kamar boeat saja.
17 KALI
- 17 -
BERTJERE
Saja iat ia orang bitjara bisik-bisik, hingga kombali timboel saja poenja katjoeriga'an, barangkali ia orang maoe djoeal saja poenja diri, sebagi saorang jang biasa idoep dalem doenia plesiran, saja soeda niat kapan betoel marika hendak bikin bodo saja poenja diri, pasti di itoe malem djoega saja lantes angkat kaki soepaja saja troesa bajar dengen pertjoema itoe oewang sewa kamar, sebab saja soeda niat misti dapetken satoe temen boeat hiboerin saja poenja hati, sebab itoe sepasang penganten baroe, soeda menggoda sanget heibat saja poenja pikiran, saja poenja keadahan di itoe waktoe sama djoega saorang gila . . . . . .
Bebrapa sa'at kemoedian, itoe mandoor hotel soeda dateng kombali pada saja, dengen moeka berseri-seri ia laloe berkata, "Moedjoer sekali boeat Toean, apa maoe sampe begini malem itoe nona masi blon ada trima tetamoe."
Begitoe ia lantes adjak saja naek ka atas loteng, dimana saja soeda meliwatin bebrapa kamar-kamar jang semoewa tertoetoep sampe di kamar jang paling oedjoeng, disitoe ia soeda brenti dan mengetok pintoenja Hoe kamar dari No. 27.
