86
ada tontonan keramean, barang tentoe dia poenja senang dan enak tida seperti kaloe loe ada di kamar dengan binimoe!
Sekalian orang itoe serenta dengar Lioe Hin poenja perkataan tida patoet, dia lantas pada marah dan maki-in lagi pada Lioe Hin.
Lioe Hin menanja apa loe sekalian maoe poekoel pada kita? dan orang-orang itoe sama kata: akoe tida takoet sekali-kali pada moe, sedikit poen!
Lioe Hin lantas sadja marah dan angkat tangannja, madjoe poekoel sekalian orang-orang itoe, sampe mendjadi kalang kaboet dan sekalian orang itoe semoea pada angkat tangan hendak kroeboetin poekoel pada Lioe Hin.
Lioe Si Djoen liat glagatnja tida baik lantas dia angkat tangannja (Kiong djioe) akan membri hormat sembari kata: saija minta sekalian sobat brenti-in marah, sebab tadi saija poenja boedjang betoel ada koerang adjar, saija minta sobat-sobat liat saija poenja moeka akan kasi ampoen.
Itoe orang-orang ada jang taoe adat lantas dia lepasin tangan dan menanja: Siang Kong apa jang bernama Lioe Toa IJa, jang poekoel Tiat Boen Swan ada di roemah arak Sam San Koan?
