85
pa sadja, maka kaloe ada orang mengganggoe, baik loe diam, djangan berbantah.
Dan Lioe Taij Nio berkata pada Lioe Hin: Hei! Lioe Hin ini hari loe ati-ati boentoetin pada loe poenja Toa IJa, sebab banjak orang, djangan bolih setoeri, dan baik siang-siang kombali di sini biar enak kita poenja hati, Lioe Si Djoen dan Lioe Hin bilang baik dan Lioe Taij Nio ambil oewang tembaga 200 bidji, kasi-in pada Lioe Si Djoen boeat bebelian barang di djalan.
Lioe Si Djoen bilang banjak trima kasi, lantas dia toskar pakean baroe, begitoe lantas berangkat, di sepandjang djalan, banjak orang jang berdjalan akan pigi di Hong Sing Kio.
Lioe Si Djoen bersama Lioe Hin serenta sampe di Hong Sing Kio dia dapet liat di atas djembatan itoe soeda penoeh. orang, maka Live Hin bilang pada Lioe Si Djoen: Toa IJa! baik pigi ka lain tempat sadja, sebab di sini soeda begitoe penoeh orang, kemoedian Live Hin djalan di depan akan minta djalan, di kanan memboeka dan di kiri mendorongkan hingga orang-orang itoe ada jang djatoeh, dan ada jang maki-in.
Lioe Hin serenta dengar itoe makian dia mendjadi marah dan berkata: loe! apa tida taoe, ini
