314
Pada itoe hari banjak orang tjerita Ping Swee
Ong bakal dateng, maka ambtenaar-ambtenaar di
sitoe semoea keloear menjamboet, begitoe djoega
Bing Wan Gwee pergi menjamboet.
Betoel amat moelia sekali perdjalanannja Ping See Ong, begitoe banjak orang pergi nonton, sanipe berdesek-desekan.
Maka Ping See Ong serenta dapet liat Bing Wan Gwee lantas dia toeroen dari koeda dan membilang banjak trima kasi jang Bing Wan Gwee pergi menjamboet, dengan boeni-in meriam 3 kali. Ping See Ong masoek di roemanja Bing Wan Gwee, sasoedahnja minoem thee dan mendjalanin adat istiadat, maka Bing Wan Gwee lantas berkata: Sedari Tjian Swee berangkat ka Kota Radja, kita sekalian amat berpikirin pada Tjian Swee, tetapi serenta saija dengar kaloe Tjian Swee soedah menang perang dan dapet pangkat Ping See Tjing Kok Ong soeuggoeh mendjadi saija poenja hati amat girang dan akan sekarang Tjian Swee dateng saija poenja roema sahingga saija poenja roema ini mendapet Tjahaja Moelia.
Lioe Si Djoen serenta dapet dengar Bing Wan Gwee poenja poedjian itoe, lantas tetawa dan ber-
