292
Di sitoe dapet pada Song Boen Djaij poenja hoeloebalang dia terkedjoet lantas menanja ada perkara apa Tjian Swee nio nio (Permisoeri) begini malem dateng di sini, apa tiada tidoer sama Taij Ong (Tuean Radja Besar)?
Sekalian nona itoe menjaoet: sebab Taij Ong maoe ketemoe pada Koen Soe (goeroe) di mana Koen Soe tinggal?
Itoe hoeloebalang lantas toendjoek di mana satoe kamar jang trang pelitanja.
Baroelah itoe nona-nona maoe masoek dalem kamar dengan bawa sendjata pedang, tetapi apa terkedjoet di dalem itoe kamar ada soewara tariak, itoe nona-nona tida enak hatinja lantas dia naek koeda troes berlari adanja.
Itoe goeroe Hwi Sik To Djin lantas liatin dengan djeridji tangannja dan dapet taoe kaloe ada hoeroe hara lantas sigra naek koeda akan boeroe sekalian nona-nona itoe dengan doain dia poenja pedang, tida brapa saät poenja lama boemi langit petang dan batoe atau pasir pada terbang, dengan bebrapa banjak soewara harimau pada pergi mengedjar.
Itoe nona-nona amat takoetnja sebab tida keliatan djalan, melainkan lari in koedanja, tetapi
