291
kasi idzin itoe 8 prampoean bersama doedoek dan berganti-ganti toewangin arak pada Song Boen Djaij poenja glas, sampelah Song Boen Djaij terlaloe amat mabok lantas dia terangkat ka dalem kamar, sedang soedah tenga malem sekalian orang dan balatantaranja Song Boen Djaij, soedah pada tidoer poeles, boedjang Siauw Tho lantas ambil 1 pedang akan boeka perkosa kareta pesakitan boeat keloewarin Djaij Koen Liang dan Njo Tjin, lantas dia pada masoek di dalem Song Boen Djaij poenja kamar.
Sebab Song Boen Djaij soedah amat poeles tidoernja, lantas dia teriket dan terpotong dia poenja kaki, maka Song Boen Djaij lantas bangoen, sebab berasa sakit tetapi hendak betariak soedah tida bisa.
Kemoedian Song Boen Djaij terbawa oleh Djaij Koen Liang di atas koeda dan troes pergi lari adanja.
Nona Hoa Aij Tjoe lantas berkata kendati Song Boen Djaij soedah tertangkep, tetapi dia poenja goeroe belon kena tertangkep, entah dia tinggal di kamar mana,
Sekalian nona-nona itoe lantas dia pada bawa teng akan tjari di dalem benteng dan melaga di soeroe oleh Song Buen Djaij hendak tjari pada goeroe Hwi Sik To Djin.
