281
lagi Taij Ong! itoe prampoean-prampoean dia poenja aer moeka ada begitoe bagoes, dan tida ada tandingnja, maskipoen tempo doeloe Taij Ong ada bentjian pada dia, tetapi sekarang dia orang soedah tertangkep di sini, ibarat boeroeng soedah ada di dalem koeroengan dan ikan soengei soedah masoek di dalem djala, biarlah dia ada saijap sekali poen, soesah boeat terlepas adanja, sebab akan sekarang Taij Ong belon ada Permisoeri, hamba rasa apa tida baik ini 8 prampoean terkoeroeng lebi doeloe, dan soedah mendjadi adat dan biasa, itoe orang prampoean poenja tabiat ada seperti aer poenja dingin, dan nanti hamba boedjoek tentoe dia menoeroet djoega.”
Song Boen Djaij serenta dengar itoe perkataän lantas dia tertawa dan menanja pada 8 prampoean itoe: apatah andika misi ingat pada kita, tempo taoen jang soedah linjap ini, soedah mendjadi moesoean pada kita oleh lantaran keramean lemba perahoe ada di Lam Ho dan kita taoe andika poenja kebranian ada begitoe besar, tetapi nona! sekarang soedah tertangkep di sini dan soeka maoe kata apa?”
Sekalian prampoean itoe dia poenja hati terlaloe
