228
Sik San, soeda ada 1000 taoen, maka hal kematian, kaoentoengan, ketjilakaän dan perkara jang soeda atawa jang belon kedjalanan atau kedjadian, semoea kita soeda dapet taoe lebi doeloe, sebab kita bisa bikin batoe pasir terbang, naek mega dan sebaginja, maka orang seboet kita poenja nama „Hwi Sik To Djin.”
Song Boen Djaij serenta terbadé oleh Hwi Sik To Djin jang dia lagi 3 taoen tentoe bisa djadi Radja maka dia lantas besar hatinja, pada itoe hari djoega ada di Kim Tji San lantas diri-in bendera akan kasi tanda jang dia berontak, dan keloewarin plakaat akan tjari soldadoe dan beli koeda dan lagi dia poenja padi boeat makannja bala tantara bertamboen-tamboen, soenggoeh amat menakoetin, sahingga bala tantara kompani tida bisa melawan, melainkan hoendjoek bertaoe ka Kota Radja, minta bantoewan soldaloe.
Tjerita perdjalanannja nona-nona Hoa Aij Tjoe, Djaij So Tjing dan sebaginja, sampe begitoe djaoe, serenta sampe di Swa Tang waktoe malem tida ada roema pondokan dan djoega tida ada keliatan orang, sekalian nona itoe mendjadi pada menjesel hati, lebi djaoe dia orang dapet liat ada 1 roema,
