227
Tian Bik, Kwik Hwi Bing, Ko Djiong dan Song Boen Djaij pada djalan-djalan di atas goenoeng itoe, tiba-tiba ada datang angin aneh, itoe 4 orang pada terkedjoet, serenta memandang ada satoe orang datang dari langit.
Lantas di tanja siapa angkau poenja nama, ting- gal di mana dan datang di sini ada perkara apa? Kita asal dari langit, sebab kita dapet liat di ini goenoeng, ada Tjahaja Moelia maka kita perloe akan datang di sini.
Satelah bitjara begitoe lantas dia deketin pada Song Boen Djaij dengan membri hormat lantas berkata: Kita liat toean poenja aer moeka boe- kannja orang sembarangan, tentoe pada blakang hari bole djadi Radja.
Kita ada poenja ilmoe soenglap, dan kita hendak bantoe pada toean, tentoe di dalem 3 taoen bisa djadi Radja.
Song Boen Djaij serenta dengar itoe perkataän dia poenja hati mendjadi terlaloe amat girang dan lantas menanja pada itoe orang: Sian Tiang! saija harep taoe Sian Siang poenja nama dan bertapa di mana?
Itoe orang menjahoet: Kita sekarang ada di benoewa See Hwan dan bertapa di goenoeng Hwi
