214
Nonah Gwat Kó tida enak hatinja, dia tida kenal siapa orang-orang itoe, sebab semoea pake pakean tjara lelaki.
Lantas nona-nona itoe pada berkata jang marika itoe boekan lain orang melainkan nona Gwat Kó poenja soedara-soedara prampoean.
O! djadi kita poenja soedara-soedara sendiri, kata nona Gwat Kó dengan keliatan maloe aer moekanja, dan apa sebab pada pake tjara lelaki.
Nona Hoa Aij Tjoe berkata: Dari sebab soedah begitoe lama saija tida liat adé poenja moeka, begitoe kras saija poenja kangen, maka serenta saija dapet kabar adé poenja tempat di sini lantas saija dengan diam-diam pergi di sini dengan pake tjara orang lelaki.
Sasoedahnja beromong-omong, kemoedian nona Gwat Kó voorstel njonja Hoe Dji Nio pada sekalian nona-nona itoe, maka itoe nona-nona deketin pada njonja Hoe Dji Nio dengan sodja, akan toendjoekin kahormatannja.
Njonja Hoe Dji Nio mendjadi tida enak dia poenja hati, begimana orang lelaki, nona Gwat Kó seboetin dia Tjia Tjia (soesi).
Nona Gwat Kó lantas tjeritain pada njonja Hoe Dji Nio jang itoe orang-orang lelaki, sabenarnja
