137
kean, sebab amat takoet, dia berdjalan sembari berpikir; Soenggoeh betoel itoe orang jang mengakoe nona Kim Ting ada roepa orang lelaki, dan nona Gwat Kó, betoel mendjidi badan doea (Sin len), djikaloe tida penjaja kita poenja kata, baik bernanti di blakang hari tentoe mendapat kenjataannja.
Itoe Wan Gwee lantas soeroe boedjang Siauw Tho kasi inget pada nona mantoe dan nona Gwat KÓ akan bikin abis itoe perkara, sebab semoea itoe dari Ho Siang Kong poenja banjak bitjara, tetapi sekarang dia soeda poelang kombali di roemanja, itoe kita harep djangan bikin kaloet, kaloe ketahoean orang di loewar, tjoema-tjoema bikin maloe sadja, dan kita djoega tida pertjaja sekalikali, kaloe orang lelaki bisa menjaroe orang prampoean.
Baroesan Wan Gwee berkata-kata itoe, lantas dateng dia poenja bini, bersama nona Gwat Kó dan nona Kim Ting falsoe, di sitoe Wan Gwee lantas berkata pada nona Kim Ting: „Nona mantoe! kerna apa soeda hari petang keloewar di sini, apa ada kerdja perloe? dan Wan Gwee menanja lagi pada nona Gwat Kó, anak koe loe poenja badan tida enak, kenapa tida maoe tinggal di dalem kamar.“
