136
menangis dan berkata soenggoeh dia orang tjilaka, sampe dapet maloe demikian, dan dia amat kewatir ini perkara kaloe terdengar pada orang di loewar, tentoe banjak orang tetawa.
Nona Sim Gwat Kó selagi poeles tidoer di atas tempat tidoer, lantas mendjadi kaget dan serenta bangoen toeroet djoega kata-katain pada itoe doktor.
Begitoe lekas boedjang Siauw Tho pergi di dalem kamar toelis, di sitoe Sim Wan Gwee lagi minoem arak bersama itoe doktor Ho Djong Haij, serenta di kasi taoe jang nona mantoe Kim Ting marah jang dia di bilang orang lelaki, itoe dia hendak boenoeh pada Ho Djong Hiij, dari sebab njonja besar bingoeng maka soeroe saija kasi taoe.
Itoe Wan Gwee sampe mendjadi poetjet dan berkata pada doktor Ho Djong Haij: Soedara begimana sekarang djadi begini onar.
Ho Djong Haij menjalioet goemeter tangan kakinja, lantas sadja berdiri Kiong Tjioe (angkat tangan akan tanda hormat) sembari kata: Ko Ko! Saija minta ini waktoe djoega poelang di saija poenja roema, lain hari sadja saija kombali di sini lagi, tatkala dia bitjara begitoe dia lantas berangkat, sampe keloepaän bawa dia poenja pa-
