115
tjerita jang nona Tio Kim Ting tida maoe pergi di roemahnja bakal soewaminja dan dia tjeritain bermoela sampe di boentoet dari Lioe Si Djoen menjaroe djadi prampoean, — nona-nona itoe serenta dengar itoe tjeritaan pada tetawa dan geli hatinja dan nono-nona itoe semoea pada nginep di roemanja Tio Ing Lim.
Serenta besok pagi, Lioe Taij Nio panggil adénja (Lioe Si Djoen) sasoedanja Lioe Si Djoen datang Lioe Taij Nio berkata: Hei adé! ini sekali kaloe adé menjaroe djadi adé nona Kim Ting, boeat pergi di roemanja besan orang Seh Sim, sebab ini ada rahsia dan perloe sekali, maka baik adé inget di hati djangan sampe teboeka ini rahsia.
Lioe Si Djoen bilang baik lantas masoek di dalem galderij dalem, boekain pakean lama dan toekar pakean prampoean.
Njonja Lioe Taij Nio serenta liat Lioe Si Djoen mendjadi tetawa dan dia berkata dari sebab adé Kim Ting tida maoe menoeroet maka dia terpaksa djoega bikin ini tipoe, dan boedjang Siauw Tho panggilin 6 nona boeat liat Lioe Si Djoen, kemoedian 6 nona itoe pada mengintip di blakang pin (patang aring) dialah mendjadi tetawa sampe moeles dia poenja oesoes, kemoedian tida antara lama
