2
Liauw Tjay.
angkaoe di kaboelken djadi orang jang berpangkat dapet kasenangan di dalem doenia troes di sorga, djikaloe angkau berboeat djahat hati soeka-soeka keniaja atawa hinain orang di doenia dan soeka temaha hartanja orang bikin roesak anak bini orang bikin hilang orang poenja kapertjajahan, kendatinja kaoe belon di bales kaoe poenja kedjahatan jang soedah kaoe berboeat sama kaoe poenja rajat-rajat di doenia, maka di mana angkaoe sampe di sitoe ada melekat boeat menjaksiken kaoe poenja kedjahatan, djikaloe angkaoe soedah sampe waktoe kaoe poenja kedjahatan, lebi doeloe kaoe di seksa di dalem doenia di kasi sakit boeta ataoe sakit borok dan pintjang djalan koeliling boeat pergi minta-minta sama orang di dalem doenia, di mana kaoe sampe di sitoe djoega ada melekat toeroet pada kaoe boeat menjaksiken jang kaoe soedah banjak berboeat djahat sama manoesia, soepaja itoe orang mendjadi bentji pada kaoe tiada bisa dapet redjeki sahari-hari, djikaloe kaoe soedah sampe djalan melarat di dalem doenia djadi mati kelaparan kaoe poenja aloes poelang di acherat di hoekoem selama-selamanja tiada di kasi poelang dalem doenia koembali.
Sekarang kaoe dateng di ini tempat, memang di dalem doenia koerang satoe melekat Seng Ong, maka di panggil angkaoe dateng di sini maoe di kasi pangkat djadi Seng Ong, ini tempat acherat angkaoe misti taoe, sebab angkau orang jang pinter serta pake hati jang soetji dan mengarti segala soerat-soerat ilmoe eksamen, djadi samoeanja melekat boeat pili angkaoe sa-orang jang patoet djadi melekat Seng Ong, tetapi angkaoe misti trima itoe koernianja Toehan Allah.
Lantas Tjo Song Kong berloetoet sembari menangis troes berkata: Saja djoega soeka sekali trima itoe pangkat djadi Seng Ong di mana saja brani boeat tolak prentahnja Toehan Allah, tetapi sekarang saja poenja iboe masi ada di doenia beroemoer toedjoe poeloe tahon lebi tiada ada orang jang bakal piara djikaloe sekarang saja tinggal saja poenja iboe, di blakang hari kaloe saja poenja iboe soedah meningal doenia tentoe saja trima itoe pangkat.
Lantas itoe satoe melekat prenta satoe melekat koemis pandjang soeroe ambil boekoe oemoernja manoesia, sentara lamanja itoe melekat koemis pandjang bawa itoe boekoe oemoernja manoesia, serta di liat itoe boekoe, maka ada tertoelis oemoer iboenja Tjo Song Kong masi ada sembilan tahon lagi lamanja, maka samoeanja melekat djadi tinggal diam tiada bisa bitjara satoe apa. Lantas melekat Kwan Tee Koen berkata: Itoe perkara prentah Thio Seng boeat perganti doeloe pegang itoe pangkat, toenggoe sampe sembilan tahon.
Kemoedian melekat Kwan Tee Koen berkata sama Tjo Song Kong: Kami inget angkaoe sa-orang jang berhati baek bisa sajang angkaoe poenja iboe bapa djadi anak orang dengar orang toewa poenja perkatahan, kendati kaoe sa-orang jang miskin poenja anak setia hati dengan bisa menghormatin sama kaoe poenja orang toewa, sebe-
