Liauw Tjay.
1
TJERITA DI NEGRI TJINA
Tersalin dari boekoe Tjina jang bernama
LIAUW TJAIJ.
I
TJERITA TJO SONG KONG JANG SOEDAH DAPET
EKSAMEN PANGKAT LIM SENG KEMOEDIAN
IA DAPET PANGKAT DI SOEGA DJADI
TOAPEKONG SENG ONG.
Di tjeritaken dalem gredja Kho Seng Bio ada satoe orang bernama Tjo Song Kong, dia itoe berpangkat eksamen Lim Seng. Di waktoe Tjo Song Kong dapet sakit lagi tidoer ketemoe satoe orang bawa koeda poeti sembari kasi taoe pada Tjoe Song Kong : Sekarang kaoe naik di ini koeda pergi di tempat eksamen.
Lantas Tjo Song Kong menanja sama itoe orang : Di mana tempat jang kita boleh dapet itoe eksamen djadi orang berpangkat ?
Tempo itoe orang dengar itoe pertanjäan, iapoen tiada maoe berkata, satoe apa, tjoema ia prenta Tjo Song Kong soeroe tjepet naik di itoe koeda poeti, begitoe djoega Tjo Song Kong paksa menaik di itoe koeda poeti, di dalem Tjo Song Kong poenja impian, lantas Tjo Song Kong sampe di satoe kota, maka di sitoe ia masoek di dalem satoe roemah besar; adapoen itoe roemah terlaloe amat dia poenja beresi, maka di dalem itoe roemah jang berdoedoek di sitoe ada kira-kira sepoeloe orang, tetapi itoe Tjo Song Kong tiada kenal itoe orang jang berpangkat, tjoema jang Tjo Song Kong kenal Wan Bok Liok itoe asal melekat Kwan Tee Ya, dari itoe Tjo Song Kong lantas doedoek di itoe tempat, begitoe djoega masing-masing kloearken dia poenja soerat eksamen di dalem itoe roemah, djadi semoaanja melekat liat Tjo Song Kong laloe troes panggil kasi taoe : Angkaoe misti pake hati jang baik, kendatinja angkaoe pake hati baek Toehan Allah belon Wes angkaoe poenja kabaekan, djangan angkaoe boeat seselan pada Toehan jang maha koewasa, djikaloe angkaoe djalan soedah sampe di mana itoe terapat kabaekan nistjaja di blakang hari
