306
Liauw Tjay.
kombali di aer, masing-masing orang djaga dimana dia bisa lolos, dia
diseret tiada brapa lama soedah sampe di gedongnja Ban Gee.
Itoe waktoe belon ada terang betoel toengoe sabentaran lantas soedah siang, dan lantas ada satoe orang dari dalem gedong keloear-bawu sapotong soerat, di soeroe ini doea orang bawa pergi di kantor polisi, itoe tempo Lie Tjoen Eng sama djoega kaija satoe kambing djatoh di moeloet matjan, dia tiada ada poenja akal bole boeat lolos, djadi dia apa bole boeat menoeroet begimana sadja.
Itoe anak prampoean tengok Lie Tjoen Eng di begitoein lantas menangis dan berkata: ini semoea betoel saija sa orang jang bikin ketjiwa sama khoa djin, harep khoa djin troesa boeat mendjadi takoet, nanti saija bole boeat adoe djiwa sampe di kantor polisi soepaja tiada bole koerang satoe apa, Lie Tjoen Eng sahoetin berkata : ini betoel akoe poenja taoen boelan boeat dapet ini ketjilakaän, bole bilang ini taoen akoe poenja bintang ada gelap sekali, ia sekarang akoe sama tjia-tjia apa maoe kata, dia berdoea barang sampe di itoe kantor, itoe tempo Tikoan baroe moelain doedoek akan mereksain orang poenja perkara, dan itoe Tikoan barang dapet Ban Gee poenja soerat, lantas pangil Ban Gee poenja orang soeroe masoek boeat menanja, maka begitoe djoega Ban Gee poenja orang lantas bilang berkata: ia saija poenja Loija ada soeroe bawa ini satoe anak prampoean, dari boedak dalem kamar poenja soeroehan, lagi dia toendjoek Lie Tjoen Eng, ini orang jang tiada di taoe dia poenja nama soedah toengoe bawa menggat dari ini boedak prampoean, beroentoeng orang di dalem gedong pada dapet taoe dengan tjepat pergi soesoelin, baenja ketemoe dia belon menggat sampe diatas praoe kena di tangkap, sekarang soedah di bawa disini minta soepaja Loija bole kasi dia hoekoeman.
Satelah Tikoan dapet dengar itoe pengadoehan lantas awasin ini doea orang, dan tengok Lie Tjoen Eng jang satoe anak moeda begitoe tjakap, dia poenja roepa dan tingka lakoe boekan orang djahat jang maoe kerdjain begitoe roepa, lagi dia tengok ini anak prampoean soengoe dia pake badjoe biroe, tetapi dia poenja tingka lakoe, dan toelangnja boekan kaija boedak-boedak, dari itoe dia pangil Lie Tjoen Eng sampe di hadepan tempat doedoeknja booat menanja katanja: ia angkau sabetoelnja orang dari mana she dan nama apa, kenapa kau maoe bawa lari dari Ban Gee poenja boedak prampoean. Lie Tjoen Eng lantas angkat kepala berkata ia saija betoel orang di kota ini jang di pangil nama saija Lie Tjoen Eng, saija harep maoe pergi Hoeko bikin examen, baroe-baroe ini sebab Loija ada poenja soerat ketrangan tempel maoe kasi orang bikin examen, dari itoe saija datang kepangin maoe kasi masoek soerat, kemaren saija poenja praoe mengerip baroe sampe, djadi boeat menginap samalem di dalem praoe, dan sampe djam poekoel 4 pagi poenja waktoe, kaget saija dapet dengar, ada soewara orang menangis, lantas saija tjepat bengoen pergi meliat, jang betoel ada satoe anak prampoean boewang diri lagi lompat di aer, saija waktoe bergerak hati mendjadi kesian, saija lantas pangil toekang praoe sama-sama menjeboer di aer, boeat toeloengin ini anak prampoean kasi naik soepaja sampe diatas praoe maoe tanja sama dia biar terang, boeat toengoe sampe siang maoe di anterin bajar, tiada doega ada ini masing-
