300
Liauw Tjay.
masing-masing orang pada kata begitoe djadi diam tiada brani baeat boekamoeloet lagi.
Demikian orang satengah toewa itoe boeka moeloet berkata: ia akoe jang sabetoelnja lagi karoegian berdagang, troesa bilang boeat doen tahil perak satengah di soeroe ganti kan poenja oewang, biarnja doen lear satengah poenja oewang akoe tiada sanggoep boeat ganti sekalian sepeser tiada ada, begimana maoe di soeroe akoe ganti separonja.
Lie Tian Tjo dengar begitoe dia poenja hati mendjadi kesian, dan tengok dia poenja roepa jang sabetoelnja dia orang di bilangan Ouw Kong, dia sama kita ada satoe kampoeng, lantas dia pangil Lie Koei soeroe timbang 2 tahil perak troes di kasikan sama ini anak moeda sembari bilangin berkata: kau bole trima sadja ini oewang troesa boeat tjari perkara.
Sekalian masing-masing orang pada berkata: hei soesa bole mendapetin lagi seperti ini satoe sobat toewa ampoenja moera hati, soedah bikin akoer sama orang zonder dapet ketjilakaän. ()! maoe tjari lagi jang seperti kaija dia, di dalem seratoes tiada satoe jang poenja hati boedi begitoe bae, itoe anak moeda soedah trima dari itoe oewang tiada brani bilang satoe apa lantas berdjalan, lantas itoe orang satengah toewa membri trima kasi sama Lie Tian Tjo berkata: in ampir-ampir saija dapet tjilaka orang bikin keniaja, bae djoega ketemoe Lo Heng sobat bae jang toeloeng bikin akoer dan gantiin dia poenja oewang, kaloe tiada Lo Heng saorang jang poenja pertoeloengan tentoe kasi dia keniaja sama saija zonder rasa.
Maka Lie Tian Tjo berkata: ini perkara ketjil maoe apa di seboet lagi, kerna saija orang plantjongan, dapet liat perkara jang tiada patoet masa tiada di toeloengin, habis dia berkata lantas angkat tangan dia berpisa pergi.
Sampe kabesok paginja itoe orang satengah toewa pergi tjari sama Lie Tian Tjo, maoe menanja dia poenja she apa, dan dimana tempat dia soedah mondok, Lie Tian Tjo lantas samboet itoe orang, adjak dia masoek di dalem kamar berdoedoek saling menanja nama, lantas itoe orang setengah toewa lebi doeloe bilangin berkata: ia saija she Pouw bernama Seng alias Joe Kwee, tingal di negri Ouw Kong afdeeling Boe Tjiang Hoe, tempo saija masi moeda ada keloear berdagang di koelilingan, akan tetapi saija poenja peroentoengan ada koerang bae, dan belon ada brapa taoen lantas saija poenja oewang semoea habis di bikin pesta pora, soedali liwat sa poeloe taoen ini baroe saja bisa dapet oentoeng sedikit, lagi taoen jang telah soedah saja pergi oetang memindjam brapa tahil perak, dan sampe orang kena perkosa ambil saija poenja anak prampoean boeat masoekin oetang, djadi saija tiada ada itoe moeka boeat tinggal lagi di desa, djadi apa bole boeat saija pergi keloear datang disini, tiada doega kemaren ampir dapet tjilaka, djika boekan Lo Heng jang toeloeng bikin akoer, soedah tentoe itoe orang dia bole keninja sama saija.
Maka Lie Tian Tjo lantas tanja berkata: ia sobat sekarang mondok sama siapa, apa ada poenja teman atau tiada?
Lantas Pouw Seng bilang berkata: ia tadinja saija adjak saija poenja anak lelaki, tiada beroentoeng dia dapet sakit lantas meningal doenia, sekarang ini tjoema melainkan saja sabatang karang sadja.
