Liauw Tjay.
293
Maka Lie Tian Tjo lantas adjak anaknja doedoek dilaen praoe aken
berdjalan lebi doeloe poelang ka roemahnja.
Kabetoelan pada masa itoe dapet angin bae sampe sapoeloe hari lamanja, pada satoe hari dateng angin jang tiada bae, maka praoenja Lie Tian Tjo tiada bisa madjoe dan laloe djadi moendoer kablakang, toekang praoe lantas tjepat goeloeng dia poenja lajar dan toelak praoenja kasi masoek di moeara, kerna anak praoé berkoeat mendajoeng djadi tiada satoe djam soedah masoek di moeara itoe.
Maka djoeragan praoe itoe lantas preksa liat tempat itoe, sasoedahnja lantas dia kasi taoe pada Lie Tian Tjo sembari berkata: ja Lo Siangkong, ini tempat jang betoel di panggil Ouw Kong, kesanain lagi ada satoe bio di panggil roemah Toapekong Ang Ong, itoe tempat ada kasohor sekali, maka itoe baiklah Lo Siangkong sama Siauw Siangkong naik kadarat pergi melantjong doeloe, toenggoe sampe angin soedah toeroen bae.
Lie Tian Tjo lantas berkata: kaloe naik doeloe kedarat poen ada bae djoega, laloe dia adjak anaknja pergi naik kedarat, dia berdjalan belon berapa djace soedah sampe di bio itoe, maka dari djaoe dia liat itoe bio ada lebar dan besar sekali, tetapi soedah keliwat toea dau temboknja banjak somplak-somplak dan ada jang roeboe, kerna djarang orang dateng pasang hio. Maka Lie Tian Tjo lantas pergi aken masoek dalem itoe bio boeat pasang hio dengan meniat, tempo itoe betoel di boelan dji gwee, koetika dia djalan ampir maoe sampe dengan kaget dateng angin tioep badannja hingga mendjadi dingin, laloe dia dapet liat di samping itoe bio ada satoe roemah makan, lantas dia mampir hendak berminoem lebi doeloe, sasoedahuja itoe baroe dia maoe masoek ka dalem bio itoe, laloe toekang roemah makan bikin sadia satoe botol arak sama satoe piring ikan, diatoer taroh di atas medja dan lantas pangil dia bapa anak berdoedoek minoem.
Tjerita didalem bio itoe poenja padri (weshio), dia tengok ada orang di depan bio lagi berdjalan, doegabannja jang tentoe dia maoe masoek di bio akan pasang hio, dan lantas djepet masak aer panas pergi sedoe the, sembari dia pegang satoe boekoe Teeijan menoengoe di pintoe.
Dan menoengoe ada sebegitoe poenja lama tiada keliatan dari orang poenja baijang-baijangan dan tengok kiri kanan lantas keliatan dia ada di sebla roema makan lagi doedoek minoem arak, sembari dia berpikir di dalem hatinja ini orang dia mengapa tiada datang di bio lebi doeloe boeat pasang hio, bolenja mampir pergi makan arak lebi doeloe, keliatan terang dia orang koerang pertjaija sama Toapekkong.
Memang ini Lie Tian Tjo kaloe dia soeda minoem arak mabok soesa boeat sama dia saling mengomong, dan itoe weshio bagitoe djoega bawa satoe boekoe Teeijan, pergi samperin di roema makan adepin sama Lie Tian Tjo bapa anak, djalan kehormatan toeroet begimana adat di negri Tjina, sehabisnja lantas dia hoendjoekin itoe boekoe sembari bilang dan berkata: sebab Pinto dateng samperin disini bawa ini boekoe Teeijan harep jang Lo Ki Soe poenja moera hati, boeat bantoe bikin betoel di Ang Ong bio jang soeda pada roessk, ini hari beroentoeng jang Pinto bisa ketemoe Lo Ki Soe ada disini, dan minta soepaija Lo Ki Soe bole soeka hati, boent toeloeng bikin betoel ini bio poenja perkara.
