Liauw Tjay.
287
dan namanja apa, sama akoe apa ada saling kenal atau tiada. Thio Siauw It berkata sebetoelnja akoe disini poenja orang iang erpangkat nama Thio Kok Pek Loja, dia bilang maoe dateng boeat ketemoei sama kau, ada sedikit bitjara.
Haij Soeij dalem hatinja pikirin boeat tjemboeroehan, dia tiada ada kenal begimana dia bole dateng tjari, tjoba akoe pergi liat bakat bole taoe, lantas dia bangoen sama-sama Thio Siauw It keloear, dateng sampe di samping petengahan, saling ketemoe djalan dengan adat, lantas Thio Kok Pek berkata, akoe lama dapet dengar kau poenja nama ini hari baroe kenal kau poenja moeka. Haij boeij berkata, saija iang tiada bergoena, belon sampe pladjaran lagi belon taoe Lo Taijdjin begimana bole dapet taoe sama saija.
Thio Kok Pek berkata, akoe orang she Thio nama Kok Pek, iang sebetoelnja tadi pagi kan toeloengin itoe anak prampoean iang sebetoelnja akoe poenja ade.
Haij Soeij barang dengar baroe mendoesin lantas berkata, kaloe begitoe Lo Taijdjin poenja soedara prampoean, ada begimana boeat maoe menanja. Thio Kok Pek berkata, akoe datang dari perkara akoe poenja ade prampoean, baroesan soedah oesir itoe ibelis mendjadi akoe poenja ade prampoean lantas bae, kau poenja boedi begitoe dalem, tiada ada apa boeat di bales, sebab itoe dia niat dari akoe poenja ade boeat kasi djaga rawatin sama kau, dan bales kau poenja boedi, kenapa boeang tinggal sampe begitoe, kasi akoe poenja entjim ada sedikit tiada enak, sebab itoe di soeroe akoe dateng menanja, kaloe tiada tjela sama akoe harep lah bole menoeroet.
Haij Soeij berkata, kerna akoe kebetoelan liwat di ini desa, kaget dapet dengar setan poenja pengomongan, bakal akoe taoe kau poenja ade prampoean kerangsokan, dari itoe akoe boeat dateng tjobain oesir ini setan, apa akoe poenja boedi brani boeat trima di bales, baroesan Hoedjin soedah soeroe Thio Goan boeat dateng bitjara itoe djodo, sebabnja akoe belon kasi taoe sama akoe poenja orang toea, maka akoe tiada brani boeat sendiri lantjang, boekan akoe tiada soeka, melainken itoe kau poenja kira sadja.
Thio Kok Pek berkata, dari kau poenja pengomongan tjoekoep keliatan iang tjinta sama orang toea, tetapi perkara ada iang bole ai toeroet, ada djoega iang tiada misti di toeroet, sekarang ini akoe poenja enso ada dia poenja pengharepan sama kau, dan angkau djika ada itoe ati, lagi troesa kau keloear segala ongkos, tjoema maoe satoe pata iang ketentuean, bole lebi menang 10.0 thail mas poenja per jandjian.
Haij Soeij tengok dia poenja perbilangan ada patoet, dia tiada bae boeat bentahan djadi apa bole bueat menoeroet trima, joema dia maoe toenggoe sampe dia poelang pergi ko, di blakang kali dia poelang bilang dia poenja iboe, baroe dia djalan itoe barang persalin.
Thio Kok Pek berkata, kapan begitoe kau poenja pengomongan soedah tentoe, begitoe njoega dia bilang maoe poelang berpisa, dan kasi taoe sama dia poenja enso.
Oen Hoedjin dengar mendjadi soeka hati, soedah anak prampoeannja dapet toendangan iang bae, lantas di kasi taoe sama Kong Hoa Siotjia, mah anak dia berdoea taro satoe kaoel biar bote bakal mantoenja siang-siang dapet nama, sasoedahnja Haij Soeij anterin Thio Kok Pek poelang, dan menanja sama itoe toekang roema makan, dari Thio Kok Pek poenja resia dan roema tangganja di mana, abis dia masoek di tempat kamarnja, bilang kasi taoe sama sobat temannja, masing-masing dengar mendjadi girang, sempe besok pagi Haij Soeij sama temannja pada maoe berangkat pergi, tinggalin sepotong soerat minta toekang roema makan, toeloeng sampein sama Thio Kok Pek, pesenin bilang, sebab akoe maoe boeroe-boeroe berangkat, takoet tiada keboeroe boeat pergi ko, djadi itoe zonder minta berpisa sama Thio Kok Pek, nanti di blakang hari akoe balik poelang, baroe akoe maoe tjari ketemoe, soedah abis dia pesenin baroe dia berangkat pergi toeroen prace, menjebrang di Ko Tjoe, dan sampe disitoe dia naek berdjalan ada 15 ari baroe sampe di kota See Shia.
Haij Soeij ang sebetoelnja itoe tempat dia belon taoe sampe, dan dia sewa satoe kamar di depan djalanan besar dan maoe tjoba pergi melantjong pereksa liat
