266
Liauw Tjay.
sampe bisa, maka dari sitoe Bok Kee dia poenja pla ljaran sampe pande,
sahari-hari ada madjoe sadja dia poenja nama, dan sampe oemoer 32 taoen radja ada tempel soerat maoe tjari orang boeat bikin examen, apabila Bok Kee dapet dengar itoe kabar, begitoe djoega dia tjepat maoe pergi Hoeko, dan lantas kasi taoe sama dia poenja istri, dia poenja istri begitoe djoega bilarg sama dia poenja bapa, lantas di kasi dia ongkos sama satoe boedak boeat mengikoet, dan Bok Kee lantas berpisa, troes pergi sampe di kota radja bikin dia poenja examen kasi masoek, sampe itoe satoe hari Bok Kee barang dia pergi preksa liat dari itoe soerat Pong Boen, dia dapet nama Tjinsoe Kiptee, itoe satoe hari radja lantas oendang kasi dia minoem di Keng Lim poenja pestaän, sasoedahnja dia habis minoem radja lantas persen kasi dia satoe stel kopia Ouw See Bo sama satoe stel badjoe khoa pauw, bersama satoe koeda toengang serta sedia dia poenja sela, begitoe djoega Bok Kee lantas toengang itoe koeda berangkat poelang, dan berjalan ampir maoe sampe di roema mertoewanja, di tengah djalanan pada orang bereboet maoe lebi doeloe datang liat, ada banjak anak-anak ketjil pada boeka soewara toendjoek bilang berkata, ini dianja Kim Tjoan Tauw Kee poenja mantoe iang soedah dapet pangkat, dan Bok Kee diatas koeda dapet dengar itoe pengomongan mendjadi bedongkol, djadi apa bole boeat tahan hati sabar sadja.
Komedian Bok Kee barang dia tengok dia poenja mertoewa, soengos diloear moeka dia pake kahormatan, akan tetapi di dalem peroetnja mendjadi kesel dan berdongkol, maka di dalem hatinja pikirin poenja kata: aoh betoel sala sekali, kapan kita lebi siang taoe ada sebegini poenja proentoengan, masa tiada Hong Houw atau Koeitjek iang poengoet boeat mantoe sama kita, kenapa kita misti hormatin sama ini Tjoan Tauw di boeat mertoewa, boekan sala sekali bikin boesoek kita poenja nama, kapan kita dapet anak lelaki atau pramporan, semoea orang bole seboet tjoetjoenja Tjoan Tauw kasi orang boeat dongengan sana sini, sekarang ini perkara soedah begitoe, dengan istri kita sampe begini poenja bae tambahan dia ada mengarti soerat, tiada dia poenja sala iang bole kita boeat lepas, djadi tiada bae sama sekali di bikin habis, bae kita nanti plahan-plahan tjari akal iang bagoes, memang segala roepa perkara, kaloe tiada tjati pikiran dengan plahan, di blakangkali bole djadi menjesel, dari itoe Bok Kee hatinja tiada enak sengadja maoe tjari biar bole istrinja dapet sala, dia poenja istri saban sari menanja dia diam sadja tiada maoe saboetin, maka dia poenja istri djadi tiada taoe apa sebabnja.
O! betoel bole di boeat ketawain sama ini Bok Kee, dia tiada pikir ini hari iang dia dapet itoe nama dari mana, dan soedah loepa iang tempo dia poenja kemiskinan, semoea dari istrinja iang poenja pertoeloengan, maka bole dapet itoe nama dan pangkat, djadi semoea orang poenja kebaikan seperti di poekoel aer anjoet.
Komedian ada itoe satoe hari lantas Bok Kee pergi ketemoei sama pangkat Kibit Ngi akan minta pertoeloengan, maka sampe ia membisa dapet pangkat Boe Wi Koen Soe Houw dan misti dia pergi di itoe tempat akan mendjalankan pangkatnja, lantas poelang pergi ketemoei sama dia poenja mertoewa boeat bilang kasi taoe jang dia maoe berpisa, maka dia poenja mertoewa soedah dengar begitoe, lantas bikin pesta kasi slamat iang mantoenja maoe mendjalankan itoe pangkat.
Maka waktoe itoe masing-masing kittjia boewaja darat tiada brani bocat datang mengoda lagi, ini bilangan Lim An troes sampe masoek bilangan Boe Wi Koen ada satoe aer poenja tanah, dan Bok Kee iang soedah dapet idzin sama dia poenja mertoewa, adjak dia poenja istri sama-sama toeroen di praoe, dia berdjalan soedah brapa hari sampe di soengei Tjaij Sek Kang, kabetoelan angin ada koerang bae djadi dia poenja praoe soe a boeat bole liwat, dari itoe djadi dia brenti di pingiran soengei beat singea sanialeman akan bernanti disitoe menoengoe angin iang bae, satoe malem itoe boelan amat poenja terang sama djoega kaja siang, Bok Kee di dalem praoe tidoer tiada bisa poelas, lantas bangoen pergi doedoek di kepala praoe akan mengawasin boelan, dan liat di kanan kiri tiada ada orang, lagi dia boeat pikiran ini Tjoan Tauw (kepala boewaija darat) poenja perkara, dari sebab itoe dia mendjadi kesel tiada senang dia poenja hati.
Dan kaget bergerak dia poenja hati dapet satoe pikiran iang tiada bae, lantas
