Liauw Tjay.
265
dia djadi kepala Tjoan Tauw, dan dia soedah brapa toeroenan djadi kepala boewaija darat, sekarang ini soedah mendjadi besar loepain sama akoe, kita pikirin jang dia poenja bapa mojang sama kita poenja bapa ada bersoedara, dari dia poenja anak Kim Giok Nio seperti kita poenja (Tit Li) tjoetjoe prampoean maoe patoet dia mengawinin oendang lah sama akoe adjak minoem, sekarang ini dia ada oendang orang bikin toetoep satoe boelan di pangil Moa Gwee, dia ada bikin pesta 6-7 hari, tiada laris dia soeroe orang datang boeat kabarin sama kita, hei baroe dia dapet mantoe satoe Sioetjaij soedah begitoe, apa lagi dia dapet mantoe siangsi atau Tjajaiang begimana lagi, akoe apa boekan ada sanak berebet, iang sabetoelnja akoe soedah djadi soekkoeng, masa akoe tiada bole doedoek di dalem dia poenja pestaän, kaloe begitoe iang betoel boekan dia asal manoesia, dan tiada liat mata sekali sama akoe, iang akoe soedah dapet dengar dia ada soeroe mantoenja oendangin, masing-masing mantoenja poenja kakenalan, tetapi boekan dari mantoenja poenja sanak ipar sendiri, bae sekarang kita pergi goda sama dia, soepaja dia poenja tetamoe masing-masing tiada itoe moeka, begitoe djoega dia koempoelin pangil masing-masing dia poenja anak moerid djoembla lima anam poeloe orang iang djadi boewaja darat, soeroe masing-masing pake badjoe iang petja atau tambelan, berame boeat datang di roemanja Kim Lo Taij sengadja bikin dia maloe bole liat ini masing-masing kittjiah dan boewaja darat, iang zonder pake kasoet dan kopia, ada iang pegang toengkat bamboe dan ada iang bawa mangkok sombeng, sembari bekaok pangil entia dan pangil njonja pangil Tjaij tjoe, pada berkroeboetan di hadepan moeka pintoenja Kim Lo Taij sambil memoekoel keplek, dan boeka soewara seboet perkataän iang tiada bae, ada iaug sengadja moekanja di tjontrengin kapoer dan di tjat itam, berkoempoel sembari bersoerak belobosan masoek, Kim Lo Taij barang dapet dengar di pintoe soewaranja rame, lantas boeroe tjepat pergi liat.
Kim Loa Tjoe sama masing-masing dia poenja moerid, pada belobosan masoek pergi doedoek di medja pestaän pili arak iang bae dan makanan iang enak, dia tiada perdoeli lagi, lantas dia hantam makan bikin habis, lantas dia boeka soewara kaokin berkata: ia mana tjoetjoe mantoe koe, bole tjepat soeami dan istri datang ketemoei sama kau poenja soekkoeng, dia bikin amat hoeroe hara sama sekalian masing-masing Sioetjaij, iang lagi doedoek minoem disitoe, sampe semoea mendjadi terkedjoet pada bangoen dari medja pestaän lari pergi semoeni, ini Kim Lo Taij tengok begitoe, djadi apa bole boeat pergi boedjoekin sama itoe masing-masing kittjia dan boewaija, sembari bilangin berkata: ia ini hari sabetoelnja dari akoe poenja mantoe, iang oendang pangil masing-masing dia poenja tetamoe, itoe betoel boekan dari akoe poenja perkara, toengoe nanti laen hari akoe bikin satoe pestaän jang besar, oendang adjak kau masing-masing minoem, habis lantas dia keloearin dari sakoenja begitoe banjak poenja oewang perak, di persen bagi sama itoe masing-masing boewaija darat, dan lagi keloearin soeroe pikoel doea tempaijan arak jang bae, sama aijam idoep, dan bebek, gangsa, di soeroe masing-masing itoe boewaija darat pikoel pergi bawa di roemanja Kim Loa Tjoe, sama lagi doea medja poenja barang pestaän di soeroe pergi bawa, riboet dari tengari troes sampe sore baroe bisa boebar, dia poeuja anak ini Kim Giok Nio di dalem kamar kesel, sampe melele dia poenja aer mata, itoe satoe sore Bok Kee tiada balik poelang, dia noempang samaleman di roema temennja boeat menginep, sampe pagi baroe dia balik poelang, maka dia poenja mertoewa barang tengok mantoenja baroe balik poe Jang, mendjadi djengah keloear dia poenja maloe, djoega dia poenja mantoe dalem hatinja tiada begitoe enak, djadi masing-masing tingal diam tiada boeka satoe soewara.
Tjerita Kim Giok Nio dia gergetan iang dia poenja asal oesoel toeroenan tia la bae, sabole-bole maoe soepaja dia poenja laki bole dapet nama iang bagoes, sahari-hari boedjoekin sama dia poenja laki soeroe pergi sekola kombali bladjar sampe bisa, apa djoega boekoe-boekoe dia tiada saijang oewang boeat bli, kasi dia poenja laki liat, lagi dia tiada pikirin boeat piara ongkos, dan oendang sama orang boeat bladjar menanja segala roepa, sebab dia kepengin biar soepaja dia poenja laki bole lekas mengarti, kapan dia dapet dengar ada goeroe iang pande lantas dia tjepat soeroe pergi panggil, soepaja boeat adjarin dia poenja laki biar
