Liauw Tjay.
251
moendoer doeloe dari perkara kawin, mengapa angkaoe tiada maoe toeroet sekarang kaoe poenja anak prampoean bikin resia sendiri djoega kaoe poenja sala.
Lantas Lauw Peng Gie berkata: Betoel saja poenja sala, lantaran saja dengar saja poenja istri poenja perkatahan, djikaloe tiada tentoe tiada ada ini resia jang saja poenja anak prampoean di roesaken orang.
Maka Kiauw Taij Sioe berkata: Memang saorang lelaki memegang di dalem roemah poenja oeroesan djadi kepala, djikaloe soeka dengar orang prampoean poenja perkatahan tentoe di dalem roemah poenja perkara djadi kalang kaboet, maka dari ini perkara kaoe sendiri poenja sala boekannja lain orang poenja sala. Sekarang kaoe boleh moendoer sendiri, nanti kami preksa Soen Hian sama Lauw Hoei Nio.
Lantas Soen Hian berkata: Betoel saja ada poenja sala tetapi boekannja saja poenja maoe, itoe waktoe Lauw Tje'em soeroe anaknja temanin saja di dalem pangkeng penganten.
Kiauw Taij Sioe beritata: Apa istrinja Lauw Peng Gie tiada tahoe kaoe saorang lelaki, maka dia prentah dia poenja anak pramprampoean boeat temanin pada angkaoe, mengapa kaoe brani trima itoe anak prampoean serta kaoe bikin roesak badannja itoe anak prawan.
Lantas Soen Hian berkata : Telah bebrapa kali saja tiada maoe trima boeat di temanin dengan Lauw Hoei Nio, dari itoe Lauw Hoei Nio djoega tiada maoe berpisaan dari saja, hanja tiap-tiap malem ia dateng di pangkeng penganten boeat temanin saja, dari itoe saja keseringan djadi timboel birahi di dalem saja poenja hati, maka kadjadian saja sama Lauw Hoei Nio seperti laki bini poenja ketjintahan, soepaja Kiauw Lo Ja boleh tahoe jang saja poenja perkatahan begitoe, boekannja saja sengadja bekerdja jang tiada patoet.
Demikian djoega Kiauw Taij Sioe berkata: Kaloe maoe toeroet peratoeran negri, kaoe misti dapet hoekoeman poekoel pantat doea bias rotan, kerna membikin dan roesaken orang poenja anak prawan, kerna kami inget kaoe saorang moeda barangkali koerang pikir, maka kami kasi ampoen kaoe saorang poenja kesalahan, sekarang angkaoe boleh djadi laki bini dengan Lauw Hoei Nio, maka kaoe poenja dosa di lepas dari itoe kasalahan.
Begitoe djoega Soen Hian membri trima kasi troes ia moedoer dari sitoe. Kemoedian Lauw Taij Sioe menanja pada Lauw Hoei Nio: Sekarang kaoe soedah bekerdja sala, apa kaoe maoe toeroet djadi laki bini sama Pwe Kioe Lo poenja anak, apa kaoe soeka toeroet dengan Soen Hian, kaoe misti bilang dengan sebetoelnja di depan kami.
Serta Lauw Hoei Nio dengar ia lantas menangis sembari berkata: Sekarang saja soeka sama Soen Hian kerna soeda djadi pertjintahan mateng dan djoega saja tiada maoe kawin sama lain orang lagi.
