250
Liauw Tjay.
Lantas Lauw Peng Gie berkata : Djikaloe perkara berdjodoan soedah mistinja, maka Soen Hian bisa menjaroe djadi prampoean, kerna Soen Hian poenja roepa dan tingka lakoe seperti orang prampoean, djikaloe Toa Lo Ja koerang pertjaja boleh panggil Soen Hian dateng menghadap di depan pengadilan
Demikian djoega Kiauw Taij Sioe berkata: Di waktoe Soen Khoaij Hoe poenja anak prampoean boeat kasi kaoe bikin mantoe, apa kaoe tiada preksa itoe anak prampoean poenja roepa, sampe angkaoe kena di bikin djoesta sabagimana kaoe bilang Soen Hian dateng di roemahmoe.
Lantas Lauw Peng Gie berkata : Sekarang Soen Hian soedah lari poelang di roemahnja.
Begitoe djoega Kiauw Taij Sioe prenta dia poenja opaS akan panggil Soen Khoaij Hoe bersama dia poenja anak lelaki dan anak prampoean, sasoedahnja itoe opas trima prentah, lantas Kiauw Taij Sioe prentah lagi lain opas akan panggil Lauw Pok dan Lauw Hoei Nio.
Pada semantara itoe datenglah itoe opas membawa Soen Khoaij Hoe dan sama dia poenja doea anak, dan jang lain opas bawa Lauw Pok dan Lauw Hoei Nio.
Demidian djoega Kiauw Taij Sioe angkat dia poenja mata lihat Soen Hian sama Soen Tjoe Ie Nio, betoel dia poenja roepa sama seperti pinang di bela doea. Dan Kiauw Taij Sioe lihat Lauw Pok poenja roman gaga perkasa dan Lauw Hoei Nio poenja roepa terlaloe amat tjakapnja, djadi Kiauw Taij Sioe berpikir soepaja ini perkara boleh mendjadi akoer sadja. Sesoedahnja Kiauw Taij Sioe habis berpikir, lantas Kiauw Taij Sioe menanja pada Soen Khoaij Hoe: Mengapa angkaoe saorang prampoean brani bikin djoesta sama lain orang? Angkaoe poenja anak lelaki kaoe soeroe menjaroe djadi penganten prampoean dateng di roemahnja Lauw Peng Gie serta kaoe poenja anak lelaki bikin roesak Lauw Peng Gie poenja anak prampoean Lauw Hoei Nio.
Lantas Soen Khoaij Hoe berkata: Itoe waktoe saja poenja mantoe Lauw Pok dapet sakit keras saja minta moendoerken itoe hari kawin tetapi Tjin Khe Lauw Peng Gie tiada maoe toeroet, djikaloe saja kasi saja poenja anak prampoean Soen Tjoe Ie Nio, saja slempang saja poenja mantoe Lauw Pok sakit mendjadi mati, hingga boleh bikin kepiran saja poenja anak prampoean poenja badan djadi djanda selama-lamanja, dari itoe saja soeroe saja poenja anak lelaki Soen Hian menjaroe djadi penganten prampoean sampe tiga hari lamanja saja poenja anak lelaki saja maoe panggil poelang, saja tiada doega Lauw Tjin Khe tiada kasi, soeroe dia poenja anak prampoean temenin saja poenja anak lelaki di dalem pangkeng penganten, djoega saja tiada dapet tahoe itoe resia boleh djadi begini.
Lantas Kiauw Tay Sioe berkata: Kaloe begitoe Lauw Peng Gie poenja sala, anaknja sakit paja, dia maoe paksa ambil mantoe sama orang poenja anak prampoean, di waktoe Soen Khoaij Hoe minta
