172
Liauw Tjay.
Demikian djoega Lan Soen Sio Tjiah membri hormat pada Lauw Goan Tjin dan Ong Hoe Pjin, dengan bahasaken panggil bapa dan mab, maka Lauw Goan Tjin dan Ong Hoe Djin djadi tjinta boekannja patoet bagi Lan Soen Sio Tjiah itoe, sasoedahnja habis bitjara lantas masing-masing djalan masoek di dalem roemah.
Adalah di tjeritaken poêla sasoedahnja Lauw Goan Tjin arabil anak dengan Lan Soen Sio Tjiah itoe, begitoe djoega Ong Hoe Djin berkata: Sekarang Lan Soen misti tjariin satoe djodo jang baek, kaloe saja pikir Siang Kong boleh ambil djodonja Lan Soen dengan Ong Boen Jong, djoega Ong Boen Jong poenja kepinteran sampe boeat kaki tangan merawatin kita poenja roemah tangga, djikaloe Siang Kong ada soeka hati boleh kasi kawin Lan Soen dengan Ong Boen Jong saja rasa ada lebi baek.
Serta Lauw Goan Tjin dengar Ong Hoe Djin poenja perkataan, ia djadi tertawa sembari berkata: Boeat tjoetjoe Ong Boen Jong tjari lain sadja anak prampoean jang tjakep djangan kasi berdjodoan dengan Lan Soen, sekarang saja poenja maoe Hce Djin boleh sedia Khe Tjeungnja Lan Soen jang saja soedah pili maoe poengoet mantoe sama Lie Gan Tjeng, dari itoe nanti pili hari jang baek soepaja dibikin tentoe, sasoedahnja Ong Hoe Djin trima prentah lantas ia bikin sedia Khe Tjeungnja Lan Soen.
Peristimiwa pada satoe hari Lauw Goan Tjin kasi tahoe pada iboenja Lie Gan Tjeng dari hal perkara kawin itoe. Demikian djoega iboe nja Lie Gan Tjeng berkata; Begimana akal jang saja bisa bikin ongkos boeat kavvinin Lie Gan Tjeng, sebab Lie Gan Tjeng saorang telnn ada poenja pentjarian, djoega ini hari saja sendiri menoempang sama empe poenja roemah, dan dari segala ongkos saja poenja makan samoeanja empe jang kasi, maka dari itoe saja belon brani trima empe poenja prentah boeat kasi kawin Lie Gan Tjeng.
Lantas Lauw Goan Tjin berkata : Teehoe traoesa koeatir, apa ongkos samoeanja saja jang pikoel, sekarang ini pakean penganten lelaki, Teehoe boleh kasi tama tjoetjoe Lie Gan Tjeng, nanti besok pagi Lie Gan Tjeng poenja hari kawin.
Apabila iboenja Lie Gan Tjeng trima prentah lantas ia bawa poelang itoe pakean penganten.
Hata ka esokan harinja waktoe pagi di roemahnja Lauw Goan Tjin membikin pesta, maka samoeanja telaraoe-tetamoe dateng ketemoe pada Lauw Goan Tjin. Semantara itoe Lie Gan Tjeng jang berpak epakean badjoe penganten kloear membri slamet pada Lauw Goan Tjin, sasoedahnja lantas Lauw Goan Tjin adjak dia poenja tetamoe doedoek makan minoem dengan soeka hati dari waktoe siang sampe tengah malem pesta itoe baroe boebaran maka samoeanja tetamoe masingmasing berdjalan poelang.
Di tjeritaken pada besok paginja Lie Gan Tjeng bersama dia poenja istri Ijan Soen Sio Tjiah kloear dari kamarnja membri slamet pada Lauw Goan Tjin dan Ong Hoe Djin, sasoedahnja lantas Lauw
