Liauw Tjay.
171
bikin roesak dan boesoekin Pwe Sip poenja anak prampoean djikaloe saja ada itoe hati boeat bikin boesoek Pwe Sip poenja anak prampoean, tentoe Toehan Allah dan melekat-melekat tiada soekain saja bikin roesak anaknja Pwe Sip, sebab Pwe Sip sa-orang jang soetji pegang; peratoeran dengan adil serta bisa sajang dia poenja anak negri, kendatinja dia miskin tiada soeka makan soewapan dari anak negri, sedari dia pegang pangkat Tie Koan sampe dapet pangkat djudi Tie Hoe, djikaloe Pwe Sip saorang jang seraka dengan harta bandanja anak negri tentoe ini hari ia djadi saorang jang hartawan tiada sampe Lan Soen Sio Tjiah dapet kemalaratan seperti ini, maka itoe Pwe Sip saorang jang di poedji poeti bresi kendati sekarang ia tinggalin anaknja dengan kemalaratan, tentoe di blakang hari boleh di harap koembali apa lagi ini hari saja poenja oemoer soedah toewa Hoe Djui paksa soeroo ambil bakal bini' moeda dengan Lan Soen itoe, belon tentoe kita dapat anak, soedah berdosa lebi doeloe sama Toehan jang maha koeasa, sebab orang soedah toewa ambil bini dengan orang jang moedah, djikaloe tiada bisa pandjang kita poenja oemoer di doenio, mendjadi kepiran orang poenja anak prampoean kendatinja Hoe Djin paksa sama saja, djoega saja tiada nanti toeroet Hoe Djin poenja bitjara.
Apabila Ong Hoe Djin dengar Lauw Groan Tjin poenja perkataan itoe, iapoen tiada bisa bitjara satoe apa lagi, tapi ia lantas panggil Sio Tjiah kloear, sasoedahnja Lau Soen Sio Tjiah ketemoe pada Óng Hoe Djin dan Lauw Goan Tjin demikian djoega Lauw Goan Tjin berkata : Kami pikir Sio Tjiah poenja bapa sama kami saorang berpangkat djadi Tjie Soe, sekarang kami poenja oemoer soedah toewa tiada ada poenja anak prampoean ataoe lelaki, djikaloe Sio Tjiah tiada menjela sama kami, kami poenja pikiran maoe poengoet anak sama Sio Tjiah, begimana Sio Tjiah poenja pikiran. Lantas Lan Soen Sio Tjiah berkata: Jang saja harep Taij Djin dan Hoe Djin piara sama saja, saja trima boeat mendjadi boedak pagi dan sore merawatin Taij Djin bersama Hoe Djin, di mana saja brani trima Taij Djin dan Hoe Djin bakal anak, sebab saja saorang jang melarat.
Lantas Lauw Goan Tjin berkata: Sio Tjiah atsal anaknja orang jang berpangkat, kendatinja Sio Tjiah djalan melarat, djoega kami maoe ambil bakal anak, djaugan Sio Tjiah menjela dari kami poenja pengharepan.
Lantas Lan Soen Sio Tjiah berkata: Taij Djin dan Hoe Djin sekarang ambil saja bakal anak, kendatinja saja poenja badan antjoer mendjadi tepoeng sama apa jang saja bakal bales dari Taij Djin dan Hoe Djin poenja boedi, djikaloe Taij Djin tiada menjela saja saorang jang melarat, djadi sekarang saja djoega soeka ambil bapa sama Taij Djin dan ambil mah sama Hoe Djin.
Serta Lauw Goan Tjin dengar mendjadi soeka hati dan lantas kasi tahoe pada Ong Hoe Djin, jang sekarang Lan Soen Sio Tjiah kita soedah ambil anak.
