160
Liauw Tjay.
Sasoedahnja Lie Soen habis bitjara lantas ia ineramken matanja dan menarik djiwanja troes mendjadi mati. Begitoe djoega Thio Sie bersama Lie Gan Tjeng: menangis dengan amat sedinja di badepan maitnja Lie Soen itoe, sasoedahnja lantas maitnja Lie Seen di masoeken di dalem peti dan troes di bawa pergi di dalem geredja Hoe Khoe Sie di mana ia lantas taroh peti mait itoe dengan rapi, sasoedahnja seleseh pekerdjahan itoe lantas Thio Sie bersama Lie Gan Ijeng keloear dari geredja itoe troes berangkat pergi di kota Lok Jang.
Adalah di tjeritaken pada soeatoe hari kebetoelan Lauw Goan Tjin lagi doedoek senang di dalem roemahnja, sakoenjoeng-koenjoeng dateng Thio Sie bersama Lie Gan Tjeng masoek katemoe pada Lauw Goan Tjin, lantas Lauw Goan Tjin menanja pada Thio Sie : Inso orang dari mana, dateng di sini ada apa perkara?
Begitoe djoega Lie Gan Tjeng menjahoet: Saja orang dari kota See Oo, saja dateng di sini maoe kasi tahoe pada Pee Hoe, saja poenja bapa bernama Lie Soen, saja poenja iboe bernama Thio Sie, saja sendiri bernama Gan Tjeng. Itoe waktoe bapa saja djadi Tie Kwan di kota Tjie Tong Kwan ia doedoek djadi Tie Kwan itoe ada satoe boelan lamanja lantas ia dapet sakit keras, di waktoe bapa saja maoe meninggal doenia lebi doeloe ia ada pesen sama saja, jang di kota Lok Jang Kwan ada Lauw Pee Hoe, sebab Lauw Pee Hoe sama saja poenja bapa koetika moeda ada angkat soedara, sekalian saja poenja bapa kasi sepoetjoek soerat boeat Lauw Pee Hoe, djoega saja poenja bapa ada pesen iboe saja dan sama saja sendiri, djikaloe ia meninggal doenia ia soeroe saja menoempang di roemah Lauw Pee Hoe, sekarang bnpa saja soedah meninggal doenia, maka saja dateng di sini boeat tjari pada Lauw Pee Hoe.
Serta Lauw Goan Tjin dengar itoe perkataan ia djadi kaget lantas ia trima itoe soerat jang mana di lihatnja betoel ada tertoelis alamat namanja Lauw Goan Tjin, maka Lauw Goan Tjin lantas boeka itoe empelop soerat di mana ada berisi tjoema sekeping kertas poeti tiada ada tanda soerat satoe apa, tempo Lauw Goan Tjin dapet lihat kertas itoe ia poen djadi boeat pikiran tiada bisa soedah sembari ia berkata di dalem hatinja : Djikaloe kita tiada maoe kenal boeat mengakoe soedara dengan Lie Soen itoe, djadi ini orang iboe sama anak boeat tjoeriga hati, lebi baek kita simpen sadja ini resia djangan kasi tahoe sama lain orang. Sasoedahnja Lauw Goan Tjin habis berpikir lantas ia simpen itoe soerat sembari ia berkata pada Thio Sie dan Gan Tjeng : Betoel, teehoe dan tjoetjoe djikaloe Lie Hian Tee soedah meninggal doenia, teehoe sama tjoetjoe boleh tinggal di sini selama-lamanja.
Memang saja poenja sanak soedara traoesa teehoe boeat koeatir hati apa-apa. Sasoedahnja Lauw Goan Tjin habis bitjara lantas ia soeroe boedaknja panggil Ong Hoe Djin boeat dateng samboet pada Thio Sie itoe, samentara itoe maka Ong Hoe Djin lantas keloear samboet pada Thio Sie dan Thio Sie lantas membri hormat dengan bahasain panggil toa ëm.
