— 1173 —
praoe brenti satoe tangga lantas dipasang, dan itoe prempoean toea lantas toeroen dari praoe.
Joe Siotj a jang sedeng asik membatja dan Heng Hoa poen lagi getol mendengerin soeda tiada perhatiken gerak gerakannja itoe prempoean toea, tapi satelah selang lama djoega Ong Ma blon kaliatan balik kombali Heng Hoa lantas menempo dan itoe koetika ia kaloearken treakan kaget: „Eh, ini praoe boekannja brenti! Mana Ong Taij Taij?"
Mendenger begitoe Lian Eng djadi kaget sekali. la lepasken boekoenja; ia memandang kaloear, di mana poehoen-poehoen kajoe kaliatan seperti terpoeter-poeter saking ladjoenja itoe praoe jang djalan dimoeka aer.
„Sekarang bener bener kita soeda kena ditipoe pada itoe prempoean gladak, Heng Hoa!" treak Joe Si dengen sanget mara: „Tjepet panggil itoe toekang. praoe dan prenta..........."
Blon abis ia berkata, dari satoe kamar ketjil di kapala praoe kaloear saorang moeda; pakeannja pelente, dengen tertawa manis ia menghamperi pada Joe Si, jang djadi semingkin kaget tjepet boeang moekanja.
Orang moeda itoe poen boekan laen jalah Hok Tjoen sendiri.
Pembatja djangan djadi heran kaloe sekarang mendadak dapetken Hok Tjoen ada dalem itoe'
