— 1158 —
betoelnja moesti di dapet, tetapi berbagi-bagi kasoekeran jang di hadepken. Itoe sebab maksoed ini sekalian boeat pasiar, hiboerin hati jang pepet.
Bermoela Soen Nio tiada maoe meloeloesken, tetapi kerna Hok Tjoen poenja sasoeatoe omongan ada beralesan bagoes dan berarti sebagi orang jang berpikiran pandjang, maka achir-achir ia meloesken djoega.
„Tapi Taij-Taij djangan ambi mara; betoel akoe niat berniaga, tapi oewang akoe tiada ada sedia," kata lagi ini orang moeda dengen bikin moekanja begitoe manis. Maka dari itoe harep soeka kasi padakoe tiga riboe tail perak, sebagi permoela'an."
„Kau edan, Tjoen!" kata Soen Nio sambil berdjengit: „Akoe di mana ada poenja persedia'an oewang begitoe banjak! Seriboe tail perak brangkali bisa djoega akoe kasi pertoeloengan."
„Kaloe Taij-Taij maoe menoeloeng lebi dari perminta'ankoe poen ada," kata lagi ini tjoetjoe penipoe. „Iboe poenja barang-barang permata ada berlipet djoembla dari.....“
„Oh, oh, enak sadja!" kata Soen Nio: „Apa kau blon taoe ini tempo akoe soeda moelai trindil? Lagi kau kawin brapa banjak soeda pake oewang? itoe djoega brangkali kau blon taoe!"
Sabenernja orang disini tjoema Siangkong jang
