— 1157 —
pake poen ada, toeroet akoe poenja rasa tiada oesa menoentoet pengidoepan begitoe."
„Heran kenapa Taij Taij menanja!" kata Hok Tjoen.
― „Ja, tentoe akoe menanja. Bagi kau jang pergi ini tiada ada poenja pikiran apa-apa, tapi akoe di roema mana bisa enak hati."
― „Taij-Taij djangan sala mengarti, di dalem sekola sakean lama akoe ada jakin perkara dagang, dan ampir dalem berbagi-bagi peladjaran tjoema itoe sadja jang akoe dapet kemadjoean paling bagoes dari jang laen-laen, maka sala sekali kaloe dalem ini tempo jang penting tiada di goenaken. Lagi di roema setiap hari akoe selaloe nganggoer, tiada ada apa jang di kerdjaken, bila berniaga, biarpoen tiada banjak sedikitnja akoe bisa membantoe pada onkost roema tangga, soepaja tiada selamanja goɛnaken oewang jang soeda ada. Pribahasa ada kata: Goenoeng kaloe setiap hari di patjoelin lama-lama bisa djadi tana rata." Oleh kerna itoe, akoe ambil ini poetoesan, harep Taij-Taij djangan bersangsi lagi."
Soen Nio berdiam selakoe orang sedeng berpikir.
„Lagi Taij-Taij moesti inget," kata poela Hok Tjoen, akoe di sini selaloe di rong-rong oleh Bauw Si jang sanget koerang adjar, hingga sedari abis menika boekan rasa beroentoeng jang sa-
