— 1153 —
di sana, akoe poen tiada pegangin kau poenja kaki tangan aken berlaloe darl sini, akoe saorang diri poen tiada merasa kasepian!” saoet itoe istri jang djoedes; „Akoe bilang dan kau moesti lantas mengarti, tiada nanti akoe balik ka sana biarpoen kau maminta siang dan malem, harta peninggalan ajahkoe poen sampe tjoekoep boeat akoe idoep dengen tiada oesa menoempang di roema tangga laen orang!”
Ini djawaban soenggoe tiada enak sekali boeat Hok Tjoen, tapi ini swami jang roepanja masi sanggoep maenken lidanja boeat, boedjoek dengen pelahan sampe orang nanti toeroet ia poenja maoe, selaloe kaliatan sabar dan saban-saban dapet penjaoetan begitoe ia lantas poeter omongannja ka laen oeroesan.
Tapi apa maoe haloeannja sang istri membikin swaminja abis kesabaran. Brapa kali dengen djarang-djarang Hok Tjoen timboelken lagi ia poenja niatan, tapi Dji Hoa selaloe bri penjaoetan seperti jang soeda-soeda, sedeng kaloe Hok Tjoen brani berlakoe melit sedikit ka doeanja lantas bertjidra. Dari sebab beroelang-oelang maksoednja tiada dapet disampeken dan sebaliknja dapet djawaban jang mendjengkelin, achir-achir Hok Tjoen poenja rasa tjinta dan sajang pada Dji Hoa djadi moelai dingin.
Ada satoe hari dengen oering-oeringan Hok
