— 1646 —
Kou Siotjia, di kasi gelaran Tjiat Liat Hoedjin, berikoet djoega barang-barang persenan dan oewang.
Kou Kongtjoe tinggal tetep dalem djabatan Han Lim, sebagi ajahnja, samentara ia poenja bakal istri, Ko Siotjia, dibri gelaran Tiong Hauw Hoedjin.
Djim Sioe Tji sebagi ia poenja kasetia'an di kasi gelaran Sam Pin Tiong Si, demikian poen Sian Sioe Djin, sedeng pada Peng Si dan Lie Sie istrinja itoe doea orang, masing-masing dapet persen dan di kasi gelaran Siok Djin.
The An Gin telah di angkat ka dalem djabatan Tji Hoei dan di prenta bekerdja di Djin Ho Koan, sementara Tjeng Bwe dapet gelaran Eng Jong Dji Djin dan di kasi idjin aken menika sama The Tji Hoei.
The Koen dan Nio Si masing-masing dapet persen bintang mas, di mana ada tertoelis doea perkata'an,Soe Sioe," dan laen dari itoe di trimaken djoega oewang dan laen-laen barang jang berharga besar.
Heng Hoa di nikaken sama Tjin Hie boeat mana Baginda kasi persen seratoes tail mas dan barang pakean.
Joe Lian Eng di kasi gelaran Tjoei Sim Siok Djin dan boleh di seboet. djoega Gie An Djin.
Sedeng jang laen-laen, jaitoe: Ouw jan Peng di kasi gelaran Tiong San Kong, The Tok djadi Dji Lam Kong. Orang jang pertama di pakerdjaken sebagi Tjong Tien di kota Tong Koan, menggantiken kadoedoekannja Soen Thian Houw, dan itoe pembesar di tarik poelang dapet pensioen
