— 1645 —
satoe anak prempoean soeda belaken orang toeanja dengen soenggoe hati; kadoea jalah kasetiaän Djim Sioe Tji; ka ampat Sian Sioe Djin poenja tjara jang tiada temaha, dan laen-laen, jaitoe Joe Siotjia, Heng Hoa, Tjin Hi, itoe boedak jang belaken toeannja sendiri sampe djoeal dirinja. Djoega namanja The Koen, Nio Si, Tjeng Bwe, teroetama Lee So Nio, Jauw Sian dan bebrapa orang poela, jang dengen tiada mengenal sengsara soeda belaken madjikannja, dan So Nio jang soeda ijoba binasaken dirinja lantaran pikirken swami dan anaknja. Achirnja dalem itoe soerat, baginda poenja oetjapan slamet pada marika itoe.
Ko Kong poenja pangkat di tinggal tetep seperti jang soeda, katjoeali di tamba doea hoeroef „Tiong Jong” di moeka dari gelaran jang lama, serta di bri persen bebrapa riboe tail mas, satoe kopia mas satoe angkin Giok Taij, dan satoe prangkat pakean jang inda dan tersaloet benang mas.
Lee So Nio jang bersetia dan soetji, telah di kasi gelaran Tin Kok Siok Tek It Pin Hoedjin.
Ko Kongtjoe Song In di kasi gelaran Wan Keng Houw. di kasi persen sariboe tail mas dan bebrapa ratoes goeloeng soetra jang paling bagoes, samentara toendangannja, Wie Siotjia selaennja. dapet gelaran dan tingkatan njonja bangsawan, djoega boleh seboetken dirinja dengen panggilan Beng Gie Hoedjin. Nanti di hari menika Baginda aken kirim barang bingkisan sebagi ia poenja rasa beroentoeng.
Peng Lam Taij Goanswe Tjo Keng di angkat djadi Taij Goan Kong, samentara toendangannja,
