— 1635 —
mas oleh Permisoeri terseboet telah di tantjepken pada kopianja itoe djago prempoean.
Boeat itoe semoea Bong Loan telah oetjapken trima kasi.
Sasoedanja doedoek bitjara sakoetika lamanja, baroelah Bong Loan di kasi idjin aken berlaloe. Dengen djoli jang biasa di pake oleh Iboe-soeri, itoe gadis di anterin poelang ka gedong Tin Kok Hoe.
Di sepandjang djalan Bong Loan denger sasoeatoe orang poenja tjerita, begimana Tjo Goan-swe soeda poelang dari Kang Lam, begimana Tin Kok Ong djoega soeda toeroet poelang dan soeda di bebasken dari segala toedoeannja, serta di kasiken kombali ia poenja kamerdika'an jang doeloe, hingga itoe semoea telah membikin hatinja Ko Siotjia djadi sanget girang.
Tatkala ia toeroen dari atas djoli di depan gedong Tin Kok Hoe, itoe waktoe semoea orang telah kaloear menjamboet, sebagi djoega trima kedatengannja satoe radja.
Pertemoean ajah, anak, soedara dan laen-laen orang familienja. Orang-orang jang ber-
djasa telah dapet anoegra'an dari Sri Baginda Keizer.
Tatkala itoe semoea orang dengen sedi dan
