— 1146 —
di sertain ini bingkisan besar, soeda tentoe akoe nanti loeloesken sebagimana moesti," kata itoe dorna: „Aken tetapi dalem hal ini akoe moesti bekerdja dengen djalan jang paling aloes dan tiada kentara. Kau taoe sendiri Ja Loet Tong di taro di sini sebagi barang tanggoengan, boeat djadi pendjaga terdjadinja pembront kan disana. Maka itoe, kaloe dengen berterang minta ia poelang, ini soeker bisa kedjadian."
—„Ja, itoelah akoe taoe. Itoe sebab harep Sinsiang pikir begimana jang mendjadi baeknja. Akoe poenja radja harep betoel soedaranja tjepet poelang, hingga kaloe lambat sedikit nistjaja aken menerbitken penjakit jang heibat."
— „Ini oeroesan akoe maoe atoer begini: Orang jang Baginda pertjaja dan djaga Ja Loet Tong, jaitoe Cipier-boei she Ong, jang mana teritoeng djoega akoe poenja kontjo. Akoe nanti prenta ia melarikan diri bersama-sama Ja Loet Tong, asal sadja sasampenja di sana orang itoe djangan di bikin sia-sia, hanja moesti di kasi pegang pakerdja'an jang pantes."
Poet Hoa denger begitoe hatinja djadi merasa sanget girang, sedeng itoe dorna lantas prenta sala satoe penggawenja pergi panggil Ong Tji Hoei dan minta dateng di itoe waktoe.
Orang jang di prenta tiada lama soeda balik kombali dengen mengadjak itoe pembesar boei.
